8-maydan boshlab yurtimiz kinoteatrlarida Kinematografiya agentligi buyurtmasiga binoan yaratilgan “Meros” filmi tomoshabinlar e’tiboriga havola etiladi.
Filmda bosh rollarni Fotih Nasimov hamda so‘ngi paytlarda bir necha rollari bilan tomoshabinlar nazariga tushgan mahoratli aktrisa Oysanam Yusupova ijro etgan.
Unda o‘zbek va qozoq xalqlarining qadimiy do‘stligi, an’analari haqida hikoya qilinadi. Filmda odatlariga ko‘ra qozoq yigiti Aygulni olib qochib ketadi va unga uylanadi. Vaqt o‘tib urush sabab Aygul turmush o‘rtog‘idan ajraladi. So‘ngra u o‘zbek yigiti Baxshulloni uchratib qoladi. Agar siz Baxshullo va Aygulning keyingi taqdiriga qiziqqan bo‘lsangiz, filmni o‘zingiz tomosha qilganingiz ma’qul!
Yangi kinokartina o‘zbek va qozoq tomoshabinlariga birdek manzur bo‘lishiga shubha yo‘q.
Ijodiy jamoaga keladigan bo‘lsak, film ssenariy muallifi va rejissori Hilol Nasimov, postanovkachi operator Husan Aliyev, kompozitor Dmitriy Yanov-Yanovskiy, postanovkachi rassom Fazliddin Turdiyev.
Yana rollarda Rustam Karimov, Munavvara Abdullayeva, G‘ayrat Husayinov, Bobur Aytbagambetov va boshqalar ishtirok etgan.
Reklama huquqi asosida.