Quyoshni yaqin masofadan turib o‘rganishga mo‘ljallangan Parker Solar Probe kosmik apparati o‘zining tezlik rekordini yangilab, inson tomonidan yaratilgan eng tezkor obyektligicha qolmoqda, deb xabar beradi IXBT.

Foto: IXBT

Bir necha kun oldin zond Quyoshga 10 million kilometr masofagacha yaqinlashdi. Yulduzga yaqinlashish vaqtida kosmik apparatning eng yuqori tezligi 150 kilometr/soniyani tashkil etgan (Quyoshga nisbatan).

Taqqoslash uchun, New Horizons apparati o‘z vaqtida soniyasiga 16 kilometr tezlikda harakatlanib, rekord o‘rnatgan edi. Parker Solar Probe’ning rekord u Quyosh atrofida gravitatsion manyovrlarni amalga oshirishi bilan izohlanmoqda, New Horizons esa o‘z tezligiga faqatgina dvigateli sharofati bilan erishgan.

Mazkur rekord Parker Solar Probe uchun so‘nggi bo‘lmasligi kerak. Apparat hozirga qadar Quyosh atrofida rejalashtirilgan 24 marta aylanishning sakkiztasini amalga oshirgan xolos. Missiyasi yakunida zond yulduzga 6,2—6,4 million kilometr oraliqda yaqinlashishi va tezligini 200 kilometr/soniyaga chiqarishi rejalashtirilgan.

Eslatib o‘tamiz, 2018-yilda Parker Solar Probe zondi rekord darajadagi yaqin masofadan Quyosh atmosferasining suratini yuborgandi.