Davlat statistika qo‘mitasi O‘zbekiston viloyatlari markaziy hududlari kesimida 2021-yilning aprel oyi uchun tayyor palovning o‘rtacha narxlariga oid ma’lumotlar bilan bo‘lishdi.
Qo‘mita aprel oyida mamlakatning markaziy hududlaridagi umumiy ovqatlanish muassasalari (osh markazlari)da kuzatuv o‘tkazdi va uning natijalari bo‘yicha palovning o‘rtacha narxlari quyidagi ko‘rinishga ega bo‘ldi:
Ro‘yxatdan ko‘rinishicha, eng qimmat palov Toshkent shahrida sotilgan bo‘lib, bir porsiyasi 20 250 so‘m bo‘lgan. Eng arzon osh esa Namangan viloyatida, bir porsiyasi 14 357 so‘mdan sotilgan.
Qayd etilishicha, narxlarni ro‘yxatga oluvchi tomonidan kuzatuv o‘tkazilgan kun va vaqtdagi narx-navo qayd etilib, bunda vaqt va joyiga qarab narxlar o‘zgarib turadi.
Mazkur ma’lumotlarning shakllanishi jarayonida faqatgina tanlab olingan umumiy ovqatlanish muassasalari (osh markazlari)dagi palovning o‘rtacha narxlari hisobga olingan bo‘lib, restoran va choyxonalardagi narxlar inobatga olinmagan.
Eslatib o‘tamiz, O‘zbekistonda eng ommaviy taom – “Palov indeksi” ma’lumotlari shakllantirilish 2020-yilning yanvaridan joriy etilgandi. Ushbu ma’lumotlarning shakllantirishda Respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqildi.
Unga ko‘ra, 1 kilogramm tayyor palovning qiymatini hisoblash (barcha sarf-xarajatlarini inobatga olgan holda)
- o‘simlik yog‘i (300 gramm);
- piyoz (300 gramm);
- mol go‘shti (700 gramm);
- sabzi (1 kilogramm);
- guruch (1 kilogramm);
- no‘xat (100 gramm);
- mayiz (50 gramm);
- ziravorlar (10 gramm);
- osh tuzi (5-10 gramm).
Izoh (0)