Bugun,

  • USD 11014.01
  • RUB 191.8
  • EUR 10674.78

O‘zbekistonda 20 yoshdan 45 yoshgacha bo‘lgan fuqarolar orasida koronavirusga chalinish holati deyarli ikki barobarga ortdi. Bu haqda Zangiota 2-son yuqumli kasalliklar shifoxonasi direktori Doniyor Mirazimov “O‘zbekiston 24” telekanaliga bergan intervyusida ma’lum qildi.

Foto: “Daryo” / Madina Nurman

Foto: “Daryo” / Madina Nurman

“Afsuski, shuni ta’kidlash kerakki, martda boshlangan kasallikka chalinish holatlari aprel oyida o‘sishda davom etdi. O‘ziga xos jihatlaridan kasallik yasharganini qayd etilish mumkin. Ya’ni koronavirusga chalinganlar, jumladan, uning og‘ir shakli bilan og‘riganlarning yosh toifasi — 20 yoshdan 45 yoshgacha bo‘lganlar qariyb ikki barobarga ortdi. Bunda odamlar epidemiologik rejimga rioya qilmay qo‘ygani katta rol o‘ynadi”, — deydi Mirazimov.

“Barchamizga sir emaski, yana ommaviy tantanalarni o‘tkazish boshlandi, bozorlar va jamoat joylaridagi odamlar deyarli niqob taqmay qo‘ydi. Odamlarda ehtiyotkorlik yo‘qoldi va bu o‘z rolini o‘ynadi. Pandemiyani tugatish borasidagi eng katta umidimiz — bu vaksinatsiya bo‘lib, 1-maydan uning ikkinchi bosqichi boshlanadi”, — deya qayd etadi shifokor.

Eslatib o‘tamiz, O‘zbekistonda 30-aprel kuni koronavirus infeksiyasini yuqtirib olish bilan bog‘liq 442 ta yangi holat ro‘yxatga olindi — bu kunlik kasallanish bo‘yicha 2021-yilning eng yuqori ko‘rsatkichidir. Mamlakatda koronavirusga chalingani rasman tan olinganlar soni 91 250 nafar, COVID-19’ga qarshi emlanganlar soni esa 797 781 nafarga yetdi.

Izoh
Asosiy yangiliklar
Mahalliy
“Andijonda sodir etilgan mudhish qotillik yuzasidan mahalla mas’ullari va hudud noziriga nisbatan xizmat tekshiri tayinlangan” — Bosh prokuratura
Mahalliy
O‘zbekiston internetda mualliflik huquqlarini himoya qilishga oid xalqaro bitimni tasdiqladi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi