Bugun,

  • USD 11014.01
  • RUB 191.8
  • EUR 10674.78

Prezident Shavkat Mirziyoyev raisligida 30-aprel kuni hududlarda mahalliy sanoatni rivojlantirish chora-tadbirlari muhokamasi bo‘yicha videoselektor yig‘ilishi o‘tkazildi. Bu haqda davlat rahbari matbuot xizmati xabar berdi.

Foto: Prezident matbuot xizmati

Foto: Prezident matbuot xizmati

Yig‘ilishda mahalliy sanoatni rivojlantirish, ishlab chiqarish hajmini oshirish masalalari muhokama qilingan.

Ta’kidlanishicha, so‘nggi uch yilda O‘zbekistonda qurilish materiallari ishlab chiqarish hajmi 1,5 baravarga oshgan. Lekin mahsulotlar hajmi va turlari hali ichki ehtiyojni to‘liq qoplayotgani yo‘q. Umuman, o‘tgan yili qariyb 1 milliard dollarlik qurilish materiallari import qilingan.

“Ko‘rib turibsizlar, butun dunyoda iqtisodiyot bo‘yicha vaziyat og‘ir. Hech kimga oson bo‘layotgani yo‘q. Shuning uchun bor imkoniyatdan foydalanib, peshona terimiz bilan topgan pulimizni xalqimizga halol yetkazib, natijaga erishishimiz kerak. Mahalliy sanoatni rivojlantirish hokimlarning qo‘lidagi masala. Aql bilan, puxta ish tutsa, buning zamirida juda ko‘p ishchi joyi, tadbirkorlarning manfaatdorligi, odamlarning roziligi bor”, – deydi Shavkat Mirziyoyev.

Bu boradagi ishlarni “ichki talabni o‘rganish – importni tahlil qilish – resurs bazasini aniqlash – yangi loyihalar ishlab chiqish” zanjiri asosida tashkil etish zarurligi qayd etilgan.

Investitsiyalar va tashqi savdo vazirligiga mahalliy sanoatning har bir yo‘nalishi, xususan, qurilish materiallari, to‘qimachilik, ipakchilik, farmatsevtika, elektrotexnika, charm-poyabzal, zargarlik, chinni buyumlari, mebelsozlik, oziq-ovqat sanoati kabi tarmoqlar bo‘yicha hududlar kesimida alohida dasturlar ishlab chiqish vazifasi yuklatilgan.

Foto: Prezident matbuot xizmati

Foto: Prezident matbuot xizmati

Shavkat Mirziyoyev Qoraqalpog‘iston Respublikasi va viloyatlarda 24 ta tumanni qurilish materiallari ishlab chiqarishga ixtisoslashtirish taklifini qo‘llab-quvvatlagan. Bu hududlardagi mavjud xomashyo va yirik zavodlar infratuzilmasidan foydalanib, ularga yaqin joyda yangi korxonalar tashkil etish bo‘yicha topshiriqlar berilgan. Mazkur 24 ta tumanda infratuzilmani yaxshilash uchun budjetdan qo‘shimcha 400 milliard so‘m, geologiya ishlarini amalga oshirishga 100 milliard so‘m mablag‘ ajratiladigan bo‘ldi.

Qurilish materiallari tarmog‘ida umumiy qiymati 5 milliard dollarlik mingdan ziyod yangi loyihalar shakllantirilgan. Bu orqali 25 mingdan ortiq ish o‘rni yaratish maqsad qilingan.

“O‘zsanoatqurilishbank” tomonidan ushbu sohadagi loyihalar uchun 300 million dollarlik kredit liniyasi ochish, bank filiallaridagi konsalting markazlari orqali tadbirkorlarga amaliy yordam berish taklifi bildirilgan. Prezident bunga qo‘shimcha, mazkur bank orqali davlat tomonidan 200 million dollar ajratish bo‘yicha ko‘rsatma berdi.

Foto: Prezident matbuot xizmati

Foto: Prezident matbuot xizmati

Yangi turdagi qurilish va pardozlash mahsulotlarini ishlab chiqarish loyihalariga 15 milliard so‘mgacha kafillik berilishi ta’kidlangan. Shuningdek, bunday korxonalarga milliy valyutadagi kreditlar bo‘yicha Markaziy bank stavkasidan 10 foizgacha ortiq qismi va xorijiy kreditlar bo‘yicha foiz stavkasining 50 foizi qoplab beriladi.

Bundan tashqari, qishloq joylaridagi sanoat zonalari hamda konlar va karyerlar uchun yer solig‘i 10 baravargacha kamaytiriladi. 500 ta noruda qazilmalar koni auksion orqali sotilib, ularning negizida sanoat korxonalari tashkil etiladi.

Shuningdek, imkoniyatlardan foydalanib, ishlab chiqarish hajmini oshirish, yangi loyihalar evaziga mahsulot turlarini ko‘paytirib, import o‘rnini to‘ldirish mumkinligi qayd etilgan.

Masalan, so‘nggi ikki yilda 6 mingga yaqin ko‘p qavatli uylar qurilgan bo‘lib, ularga ishlatilgan materiallar 30 foizgacha chetdan keltirilgan. 2021-yilda qurilishi rejalashtirilgan 100 mingga yaqin xonadonning har biriga kamida 20-30 million so‘mlik elektr texnikasi, mebel, oshxona buyumlari va boshqa xo‘jalik mollari kerak.

Foto: Prezident matbuot xizmati

Foto: Prezident matbuot xizmati

Shundan kelib chiqib, mutasaddilarga bozor talabini tahlil qilish asosida, iqtisodiy samaradorligi bor bo‘lgan tovarlarni mahalliylashtirish, bunday loyihalarni hududlardagi sanoat zonalariga oqilona joylashtirish bo‘yicha topshiriqlar berilgan.

Yig‘ilishda sanoat tarmoqlari uchun malakali mutaxassislar tayyorlash masalasiga ham alohida to‘xtalib o‘tilgan. Oliy va o‘rta maxsus ta’lim vaziriligiga hududlar ehtiyojidan kelib chiqib, xorijiy oliygohlar bilan hamkorlikda muhandis va texnologlar tayyorlashni kengaytirish yuzasidan topshiriq berilgan.

Avvalroq, 29-aprel kuni Shavkat Mirziyoyev “Aholini ayrim turdagi oziq-ovqat mahsulotlari bilan ta’minlashga doir choralar to‘g‘risida”gi qonunni imzolagani to‘g‘risida xabar berilgandi.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi