Farg‘ona viloyatining Dang‘ara tumanida Damas va velosiped ishtirokida yo‘l-transport hodisasi sodir bo‘ldi. Bu haqda “Daryo”ga viloyat IIB axborot xizmati xabar berdi.
Ma’lum qilinishicha, 2021-yilning 25-aprel kuni fuqaro T.B. boshqaruvidagi Damas rusumli avtomashinasi Qum qishlog‘ida ketayotib, qatnov qismini velosipedda kesib o‘tayotgan A.O.ni urib yuborgan. Oqibatda A.O. tan jarohati olib, hodisa joyida vafot etgan.
Holat yuzasidan Dang‘ara tuman IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Ayni paytda tergov harakatlari davom etmoqda.
Eslatib o‘tamiz, avvalroq Namanganda velosipedchini urib, voqea joyidan ketib qolgan Kia haydovchisi ushlangani, Toshkentda esa to‘rtta avtomobil ishtirokida YTH yuz bergani xabar berilgandi.
Izoh (0)