Bugun,

  • USD 11095.31
  • RUB 173.84
  • EUR 10772.44

Jahon sog‘liqni saqlash tashkiloti (JSST) Hindistonda koronavirus tarqalishining avj olishiga ommaviy yig‘inlar, emlash sur’atining pastligi hamda virusning yuqumliroq shtammlari sabab bo‘layotganini aytdi. Bu haqda “Korrespondent.net” xabar berdi.

Foto: AFP

Foto: AFP

JSST vakili Tarik Yasharevichning so‘zlariga ko‘ra, virusning yuqumliroq shtammlari mamlakatda kasallik avj olishiga yagona sabab emas.

“Ushbu yangi mutatsiyalar kasallanish darajasining keskin oshishiga qay darajada yordam berayotgani  noma’lum bo‘lib qolmoqda, chunki vaziyatning yomonlashuviga boshqa omillar, masalan, yaqinda bo‘lib o‘tgan katta ommaviy yig‘inlar ham hissa qo‘shmoqda”, — dedi u

Qayd etilishicha, mamlakat sog‘liqni saqlash tizimi qo‘shimcha bosim ostida qolgan, chunki odamlar uyda davolanish mumkinligiga qaramay vahima ichida kasalxonalarga yuborilgan.

Hindistonda koronavirusning qo‘shmutatsiyali B1617 shtammi aniqlangan edi. Mazkur shtamm odatdagidan ko‘ra yuqumliroq hisoblanadi.

Jahon sog‘liqni saqlash tashkiloti (JSST) Hindistonda tobora ortib borayotgan koronavirusga chalinish holatlariga qarshi kurashda yordam uchun mamlakatga 2,6 mingdan ortiq xodimini yubordi.

Shuningdek, AQSh Hindistonga dori-darmon va koronavirusni aniqlovchi tezkor testlar hamda vaksina ishlab chiqarish uchun xomashyo yetkazib bermoqchi.

O‘z navbatida Yevropa komissiyasi rahbari Ursula fon der Lyayyen Yevropa Ittifoqi misli ko‘rilmagan COVID-19 to‘lqinini boshdan kechirayotgan Hindistonga darhol yordam berishga tayyorligini aytdi.

 Rossiya ham yaqin kunlarda Hindistonga koronavirus tarqalishiga qarshi kurash uchun katta miqdordagi tibbiy yordam, xususan sun’iy nafas oldirish apparatlarini jo‘natadi.
“Rossiya kislorod konsentratorlari, sun’iy nafas oldirish apparatlari , antibiotiklar va boshqa zarur tibbiy va farmatsevtika buyumlarini yuboradi”, — dedi Rossiya Tashqi ishlar vazirligi.

27 aprel kuni Rossiya to‘g‘ridan-to‘g‘ri investitsiya fondi rahbari Kirill Dmitriyev Hindiston may oyining boshida “Sputnik V” vaksinasining birinchi partiyasini olishini aytdi.

Koronavirus bilan kasallanish ko‘paygani sababli Hindistonda og‘ir epidemiologik vaziyat mavjud. So‘nggi bir necha kun ichida mamlakatda COVID-19 bilan kasallanganlar soni bo‘yicha ketma-ket antirekordlar qayd etilmoqda.

Hindiston aholisi  uyida ham tibbiy niqoblarini taqishga chaqirilmoqda, ayniqsa, oilada koronavirus bilan kasallangan bemor bo‘lsa.

Izoh
Asosiy yangiliklar
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank