Buyuk Britaniyada giyohvand moddalari bilan savdo qiluvchi Mark Nay ismli erkak o‘zini UFC jangchisi Konor Makgregor deb tanishtirdi, deb xabar beradi DailyMail.

Foto: Sundayworld

Ta’kidlanishicha, 34 yoshli Nay 2021-yilning fevralida Stenvell shahrida politsiya tomonidan qo‘lga olingan.

Mojaro vaqtida u giyohvandlik vositalari solingan paket va ikkita mobil telefonni tashlab yuborgan, shuningdek, u o‘zini Konor deb tanishtirgan.

Markning uyida amalga oshirilgan tintuv vaqtida giyohvandlik moddalari va old tomoniga Mcgregor Enterprise, orqasiga esa “Surredegi eng yaxshi ekstazi” yozuvi tushirilgan vizitkalar topilgan.

Foto: Sundayworld

Nay giyohvandlik moddalarini tarqatish bilan shug‘ullangani uchun ikki yil-u sakkiz oyga ozodlikdan mahrum etilgan.