“Oskar-2021” mukofoti g‘oliblari e’lon qilindi (foto)

Dunyodagi eng nufuzli Amerika kinematografiya san’ati va fani akademiyasining 93-taqdirlash marosimi o‘z yakuniga yetdi. Koronavirus sabab ikki oy kechga surilgan marosim Gollivuddagi “Dolbi” teatrida bo‘lib o‘tdi va va butun dunyo bo‘ylab efirga uzatildi.

Unda “Nomadland” (“Ko‘chmanchilar o‘lkasi”) filmi sabab Xloya Chjao “Eng yaxshi rejissor”, unda bosh qahramon rolini gavdalantirgan Frensis Makdormand esa “Eng yaxshi aktrisa” deb topilgan. “Ota” filmidagi roli uchun Entoni Xopkins “Eng yaxshi aktyor”, “Qalb” multfilmi esa “Eng yaxshi animatsion filmlar” orasida yetakchi bo‘lgan. “Mank” nomli oq-qora kartina esa “Eng yaxshi postanovka-rassomlik ishi” hamda “Eng yaxshi operatorlik ishi” bo‘yicha boshqa filmlarni ortda qoldirgan. Darius Marderning debyut — “Metall tovushi” filmi “Eng tovush/ovoz” hamda “Eng yaxshi montaj ishi” yo‘nalishlarida ikkita statuetkaga loyiq ko‘rilgan. Kristofer Nolanning filmi esa vizual effektlarni o‘ziga jamlagan eng yaxshi film deb topilgan.

• “Eng yaxshi aktyor” — Entoni Xopkins (“Ota” filmidagi roli uchun)
• “Eng yaxshi film” — “Ko‘chmanchilar o‘lkasi”
• “Eng yaxshi rejissor” — Xloya Chjao (“Ko‘chmanchilar o‘lkasi” filmi uchun)
• “Eng yaxshi aktrisa” — Frensis Makdormand (“Ko‘chmanchilar o‘lkasi” filmidagi roli uchun)
• “Eng yaxshi ikkinchi darajali aktyor” — Deniel Kaluya (“Judas and the Black Messiah” filmidagi roli uchun)
• “Eng yaxshi ikkinchi darajali aktrisa” — Yun Yo-Jon (“Minari” filmidagi roli uchun)
• “Eng yaxshi animatsion film” — “Soul” (“Qalb”)
• “Eng yaxshi xorij filmi” — “Yana bir bor” (Daniya)
• “Eng yaxshi postanovka-rassomlik ishi” — (“Mank”)
• “Eng yaxshi operatorlik ishi” — Erik Messershmidt (“Mank”)
• “Eng yaxshi montaj ishi” — “Metall tovushi”
• “Eng yaxshi original ssenariy” — “Promising Young Woman”
• “Eng yaxshi qisqa metrajli animatsion film” — “If Anything Happens I Love You”
• “Eng yaxshi hujjatli film” — “My Octopus Teacher”
• “Eng yaxshi qisqa metrajli hujjatli film” — “Kolett”
• “Eng yaxshi qisqa metrajli o‘yinli film” — “Two Distant Strangers”
• “Eng yaxshi vizual effektlar” — “Tenet”
• “Eng tovush/ovoz” — “Metall tovushi”

“Ko‘chmanchilar o‘lkasi” filmining suratga olish jamoasi: Piter Spirs, Frensis Makdormand,Xloya Chjao, Mollye Asher va Jan Janvi.

“Eng yaxshi rejissor” yo‘nalishining g‘olibi Xloya Chjao

Bred Pitt va “Minari” filmidagi ijrosi sabab “Eng yaxshi ikkinchi darajali aktrisa” deb topilganYun Yo Chjon.

“Eng yaxshi ikkinchi darajali aktyor” nominatsiyasining g‘olibi Deniel Kaluya.

“Eng yaxshi qo‘shiq yo‘nalishida” birinchi bo‘lishga muvaffaq bo‘lgan “Fight for you” ijrochisi H.E.R.

“Eng yaxshi original ssenariy” yo‘nalishi bo‘yicha eng yaxshi deb e’tirof etilgan Emirald Fennel.

Maxsus “Jean hersholt humanitarian award” mukofotini qo‘lga kiritgan Tayler Perri.

Xolli Berri va “Mank” filmi uchun Eng yaxshi operatorlik ishi bo‘yicha g‘oliblikni qo‘lga kiritgan Erik Messershmidt.

Riz Uizerspun, Uill Makkormak va “Eng yaxshi animatsion film” bo‘yicha g‘oliblikni qo‘lga kiritgan Mayk Govye.