Olot tumaniga yangi prokuror tayinlandi

O‘zbekiston bosh prokurorining buyrug‘iga asosan, adliya kichik maslahatchisi Sardor Sharipov Buxoro viloyatidagi Olot tuman prokurori lavozimiga tayinlandi. Bu haqda viloyat prokuraturasi matbuot xizmati xabar berdi.

Sardor Sharipov tayinlovga qadar Buxoro viloyati Qorako‘l tumani prokurorining o‘rinbosari lavozimida ishlagan.

Avvalroq Farg‘ona viloyatining Quvasoy shahri va Bag‘dod tumaniga yangi prokurorlar tayinlangani, Samarqandning Nurobod tumaniga ayol kishi prokuror etib tayinlangani, Andijon viloyatining Ulug‘nor prokurori tuman hokimi etib tayinlangani haqida xabar berilgan edi.