“Auto.ru” saytida Rossiyada ishlab chiqarilgan zirhlangan va individual jamlanmaga ega ikkita Aurus Senat limuzini sotuvga qo‘yilgani to‘g‘risida e’lon paydo bo‘ldi. Rossiya prezidenti Vladimir Putin harakatlanadigan avtomobillarning har birini markaning rasmiy dileri 106,9 million rublga (salkam 1,5 million dollar) baholagan, deb xabar beradi CARakoom.
Avtomobil Senat sedanidan bir metrga uzunroq (6,6 metr) va yetarli darajada haybatli. G‘ildiraklar bazasi ham bir metrga katta. Shu bilan birga, salon to‘rt kishilikligicha qolgan — orqa o‘rindiqlar uchun maksimal darajada keng makon mavjud. Bundan tashqari, ular haydovchidan noshaffof oyna bilan ajratilgan.
Senat’ning o‘ziga xosligi — VR10 klassi bo‘yicha zirhlangan kuzovi. Mazkur kuzov va oyna 7,62 kalibrli snayper o‘qlariga bardoshli. Biroq bu kabi jihatlari sabab avtomobil og‘irligi 6,5 tonnaga yetgan.
Avtomobil saloni haqiqatda “prezidentlarga xos” darajada hashamatli jihozlangan. Sotuvga qo‘yilgan limuzinlarning ikkalasi ham nappa charmi bilan qoplangan: birinchisida — qora, ikkinchisida — Seashell rangli yorqin sarg‘ish. Orqa o‘rindiqdagi yo‘lovchilar uchun katta ekranli alohida multimedia tizimi, shuningdek, isitiladigan va individual sozlash mumkin bo‘lgan o‘rindiq mavjud.
Bundan tashqari, bazaviy jamlanmadan premium-sinfga oid akustik tizim, atrofni to‘liq kuzatish tizimi, adaptiv kruiz-nazorat, smartfonlar uchun simsiz quvvatlantirgich o‘rin olgan.
Mashinalar 598 ot kuchini taqdim etishga qodir 4,4 litrli V8 gibrid motori yordamida harakatga keladi.
Aurus rasmiy dileri Senat limuziniga buyurtmalar qabul qilishni boshlagan — 26,9 million rubldan. Taqqoslash uchun, shu kabi jamlanmaga ega bazaviy sedan narxi 24 million rublni tashkil etadi — bu e’londa ko‘rsatilgan limuzindan to‘rt barobar arzon demak.
Mavzuga doir:
Izoh (0)