Bugun,

  • USD 11095.31
  • RUB 173.84
  • EUR 10772.44

Rossiyalik sportchilar keyingi Olimpiya o‘yinlarida davlat madhiyasi o‘rniga Pyotr Chaykovskiyning 1-raqamli fortepiano konsertidan parcha ishlatadi. Rossiya tomonidan taklif qilingan ushbu variant Xalqaro olimpiya qo‘mitasi (XOQ) tomonidan ma’qullandi, deb yozadi Meduza.

Foto: “RIA Novosti”

Foto: “RIA Novosti”

Ushbu qaror 2021-yil Tokioda bo‘lib o‘tadigan yozgi Olimpiya o‘yinlari va 2022-yil boshlariga rejalashtirilgan Pekin qishki Olimpiya o‘yinlariga taalluqlidir.

“Bugundan boshlab bizning Olimpiya terma jamoamiz o‘ziga xoslikning barcha elementlariga ega. Bizda uch xil rangdan iborat Rossiya Olimpiya qo‘mitasining bayrog‘i, hamyurtlarimiz uchun ham, boshqa mamlakat muxlislari uchun ham hech qanday yozuvsiz osonlikcha taniladigan rasmiy kiyim, endi esa Tokio va Pekinda rossiyalik Olimpiyachilar sharafiga kuylanadiga musiqa bor”, — deya qarorga izoh berdi Rossiya Olimpiya qo‘mitasi rahbari Stanislav Pozdnyakov.

Ma’lumot uchun, Olimpiya o‘yinlarida Rossiyaning davlat bayrog‘i va madhiyasidan 2022-yil 16-dekabrgacha foydalanish taqiqlangan. Moskva antidoping laboratoriyasi ma’lumotlarida firibgarlikka yo‘l qo‘yilgani tufayli Sport arbitraj sudi shunday qarorga kelgan edi.

Chaykovskiyning 1-raqamli konsertidan bir parcha rossiyalik sportchilar tomonidan allaqachon bir necha jahon chempionatlarida madhiya o‘rniga ishlatilgan.

Rossiya madhiyani “Katyusha”qo‘shig‘i bilan almashtirmoqchi edi, ammo ushbu vatanparvarlik qo‘shig‘i Rossiya bilan bevosita bog‘liq bo‘lgani uchun Sport arbitraj sudi undan foydalanib bo‘lmasligini aytdi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi