Bugun,

  • USD 11095.31
  • RUB 173.84
  • EUR 10772.44

Leonardo Di Kaprio Netflix’ning “Tepaga qarama” (Don’t Look Up) komediyasida bosh rolni ijro etishga rozi bo‘lishdan oldin film ssenariysini besh oy davomida o‘rganib chiqqan va unga qo‘shimchalar kiritgan. Bu haqda komediya rejissori va ssenariy muallifi Adam Makkeyga tayanib Esquire ma’lum qildi.

Kadr: YouTube

Kadr: YouTube

Makkeyning so‘zlariga ko‘ra, Di Kaprio uning filmida suratga tushishni xohlashiga ishonmagan. Biroq aktyorga ssenariy juda yoqqan va to‘rt—besh oy davomida uni o‘rganib chiqib, yangi g‘oyalarni taklif etgan. “Karantin sabab uzilib qoldik, biroq filmni suratga olishning xavfsiz yo‘lini topganimizdan so‘ng u aktyorlar tarkibidan o‘rin oldi. Men bunga ishona olmayman”, — deydi Makkey.

Kartinada suratga tushishga birinchi bo‘lib Jennifer Lourens rozi bo‘lgan. Makkeyning aytishicha, u “O‘gay aka-ukalar” komediyasining muxlisi bo‘lgan. Shuningdek, kartinada Meril Strip, Keyt Blanshett, Jona Hill, Timoti Shalame, Mettyu Perri, Himesh Patel, shuningdek, qo‘shiqchi Ariana Grande va reper Kid Kadi ham suratga tushgan.

“Tepaga qarama” komediyasida Di Kaprio va Lourens ikkita astronom — doktor Rendall Mindi va Keyt Dibiaski rolini ijro etgan. Qahramonlar insoniyatni Yerni yarim yildan so‘ng butunlay yo‘q qilib yuborishga qodir meteorit uchib kelayotganidan ogohlantirish maqsadida turga otlanadi.

Yanvar oyida Netflix kartinaning anonsi bilan bo‘lishgandi. Premyeraning rasmiy sanasi hozircha e’lon qilinmadi, biroq Makkey kartina 2021-yilning noyabr—dekabr oylarida namoyish etilishini ta’kidlamoqda.

Izoh
Asosiy yangiliklar
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi