Ijtimoiy tarmoqlarda Apple kompaniyasi 2021-yilda taqdim etishi rejalashtirayotgan iPhone 13 mini’ning ilk “jonli” surati paydo bo‘ldi, deb yozadi Hi-Tech.Mail.ru.
Oldingi lineykalar kabi iPhone 13 ham to‘rtta smartfonni o‘z ichiga oladi. Biroq 2021-yil iPhone mini’larning “so‘nggi yo‘li”ga aylanishi mumkin.
E’lon qilingan suratda qurilma korpusining orqa panelidagi o‘zgarishlar tasvirlangan. Kamera moduli iPhone 12 mini’dagi kabi kvadrat ko‘rinishga ega, biroq iPhone 13 mini linzalari vertikal emas, diagonaliga joylashtirilgan.
Bundan tashqari, butun modul ancha yirik linzalarni o‘rnatish imkonini beradigan yangi konstruksiyaga ega bo‘lgan. Umuman olganda iPhone 13 mini o‘zidan oldingi ajdodidan qalinroq ko‘rinishga ega.
Ta’kidlanishicha, suratdagi qurilma — bu faqat prototip bo‘lib, smartfon bozorga chiqquniga qadar o‘zgarishi mumkin.
Avvalroq iPhone 13 Pro Max ulkan kamera va biroz qalin korpusga ega bo‘lishi mumkinligi to‘g‘risida xabar berilgandi.
Izoh (0)