Bugun,

  • USD 10940.05
  • RUB 182.26
  • EUR 11121.65

Prezident Shavkat Mirziyoyev raisligida o‘tkazilgan yig‘ilishda davlat rahbari tadbirkorlar bilan uchrashuvlar, zamonaviy xizmat turlarini yo‘lga qo‘yish bo‘yicha tashabbus va talab o‘ta yuqori ekanligini qayd etdi, deya xabar bermoqda “Daryo” muxbiri.

“Yangi ish o‘rinlari eng kam xarajat va tez muddatda xizmatlar va servis sohalarida tashkil etiladi. Joylardagi aholi daromadlarining real o‘sishini ham avvalo xizmatlar rivojidan yaqqol ko‘rish mumkin. Shuning uchun ushbu sohaga iqtisodiyotning asosiy “drayver”laridan biri deb, qarashimiz kerak.

Tadbirkorlar bilan uchrashuvlar, ularning murojaatlari xizmatlar sohasida yangi loyihalarni amalga oshirish, zamonaviy xizmat turlarini yo‘lga qo‘yish bo‘yicha tashabbus va talab o‘ta yuqoriligini ko‘rsatmoqda.

Shu bois Jamshid Qo‘chqorov o‘ziga biriktirilgan Namangan, Qashqadaryo, Samarqand, Sirdaryo, Farg‘ona, Toshkent viloyatlari, Sardor Umurzoqov – Qoraqalpog‘iston, Andijon, Buxoro, Jizzax, Navoiy, Xorazm, Surxondaryoda viloyat, tuman va shahar hokimlari bilan birga, har bir mahalla, tuman va shaharda xizmatlar hajmini 3-5 baravarga oshirish bo‘yicha oyma-oy rejalarini tasdiqlab, ijrosini tashkil etishi va nazoratga olishi zarur”, – dedi Shavkat Mirziyoyev.

Ta’kidlanishicha, Milliy bank qoshida xizmatlarni rivojlantirish bo‘yicha loyiha-tahliliy markazi tashkil etiladi va barcha viloyatlardagi filiallarida uning bo‘limlari ochiladi.

“Milliy bank raisi har bir hududning o‘ziga xosligidan kelib chiqib, xizmatlarni kengaytirish, yangi xizmat turlarini yo‘lga qo‘yish, ilg‘or tajribalar va namunaviy loyihalarni joriy etish bo‘yicha yangi metodologiyani yaratishga mas’ul etib belgilanadi. Buning uchun Milliy bank qoshida xizmatlarni rivojlantirish bo‘yicha loyiha-tahliliy markazi tashkil etiladi va barcha viloyatlardagi filiallarida uning bo‘limlari ochiladi.

Ushbu markazda Alisher Mirsoatov, vazirliklar, viloyat, tuman va shahar hokimlari bilan birga, yangi metodologiya asosida loyiha tashabbuskorlariga namunaviy tayyor biznes loyihalarini taqdim etish bilan birga, ularni kasbga o‘qitishdan biznesini yo‘lga qo‘yishgacha bo‘lgan ‘kompleks xizmatlar’ ko‘rsatishni tashkil etishi lozim”, – dedi davlat rahbari.

Bundan avval Shavkat Mirziyoyev xizmat ko‘rsatish sohasiga mas’uliyatsizlik qilgan 27 nafar rahbar lavozimidan olinib, 54 nafariga intizomiy jazo berilganini hamda pandemiya davrida xizmat ko‘rsatish sohasidagi tadbirkorlarni qo‘llab-quvvatlash uchun 35 trillion so‘mlik ko‘mak berilgani haqida ma'lum qilgandi.

Izoh
Asosiy yangiliklar
Mahalliy
Qashqadaryoda bedarak yo‘qolgan 15 yoshli bolaning jasadi topildi
Dunyo
Oq uy: safarbarlikdan qochayotgan rossiyaliklar AQSHga boshpana so‘rab murojaat qilishi mumkin
Dunyo
Urush bilan Folklend orollarini qaytarib olgan Tetcher, 757 kishi cho‘kib ketgan “Estoniya” paromining siri va Moskvani 20 yil boshqargan Lujkov iste’fosi. Kun xro...