Motorcoach Store onlayn savdo maydonchasi orqali 2007-yilda ishlab chiqarilgan turistik avtobus bazasida yaratilgan ulkan g‘ildiraklar ustidagi uy — Prevost Featherlite H3 45 sotuvga qo‘yildi. 154 ming kilometr yo‘l bosgan hashamatli avtokemper 500 ming dollarga baholanmoqda, deb xabar beradi Motor.
G‘ildiraklar ustidagi uy tashqi ko‘rinishi bilan turistlar uchun mo‘ljallangan oddiy uydan farq qilmaydi. Biroq uning ichiga kirgan inson mashinaning haqiqiy vazifasiga baho berishi mumkin. Avtokemperning hashamatli interyeri charm va tabiiy yog‘och bilan ishlangan, pol qismiga marmar yotqizilgan, salonni bezashda oyna va ugleplastikdan foydalanilgan.
G‘ildiraklar ustidagi uy ichida ikkita yotoqxona, to‘laqonli plitani o‘z ichiga olgan ovqatlanish zonasi, SVCh-pech va rakovina mavjud. Bundan tashqari, avtokemper ikkita sanuzel, dush kabinasi hamda kir yuvish mashinasiga ham ega. Sayohat paytida uyning devorlarini siljitib, ichkaridagi maydonni yanada kengroq qilish mumkin.
Ichki hashamatdan tashqari, uyning yukxona bo‘lmalaridan birida joylashgan sirli xona ham mavjud. Yashirin xonaga ko‘cha orqali yoki salon polidagi maxsus lyuk orqali kirish mumkin. Ushbu xona maxsus yoritilgan, ventilyatsiya tizimiga ega, shuningdek, u yerga ikkita televizor o‘rnatilgan.
Hashamatli avtokemper 515 ot kuchiga ega dizel dvigateli yordamida harakatga kelib, avtomatik transmissiya yordamida boshqariladi. 154 ming kilometr yo‘l bosgan avtokemper 500 ming dollarga baholanmoqda.
Avvalroq Xitoyda lift va balkonga ega ikki qavatli avtouy sotuvga chiqqani, Volkswagen kompaniyasi Caddy modelining safarda kerak bo‘ladigan palatkaga ega versiyasini tayyorlagani to‘g‘risida xabar berilgandi.
Mavzuga doir:
Izoh (0)