“Ansor Alloh” harakati a’zolari (xusiylar) 20-aprel kuni Saudiya Arabistonining janubi-g‘arbida joylashgan Abha shahridagi xalqaro aeroportga hujum qildi. Bu haqda isyonchi kuchlarning rasmiy vakili, brigada generali Yahyo Sariaga tayanib “TASS” xabar berdi.
Avvalroq Al Arabia telekanali Ar-Riyodni boshqarayotgan arab koalitsiyasi xusiy isyonchilari tomonidan boshqarilgan, Saudiya Arabistonining Hamis-Mushayt shahriga yo‘naltirilgan minali uchuvchisiz qurilmani tutib olib, yo‘q qilgani haqida xabar bergan edi.
Yamanda 2014-yildan buyon hukumat va xusiylar o‘rtasida qarama-qarshiliklar davom etmoqda. 2015-yilning mart oyida Saudiya Arabistoni boshchiligidagi koalitsiya mamlakatga bostirib kirishi bilan bu ziddiyatlar o‘zining eng faol bosqichiga ko‘tarildi.
Besh yildan ortiq davom etayotgan ziddiyat dunyodagi eng katta gumanitar inqirozga olib keldi. BMT ma’lumotlariga ko‘ra, 24 milliondan ortiq yamanlik — mamlakat aholisining, taxminan, 80 foizi — insonparvarlik yordamiga muhtoj, ichki muxojirlar soni esa 3 milliondan oshadi.
Xusiylar muntazam ravishda hujumlarni amalga oshirmoqda, ularning asosiy maqsadi Saudiya Arabistoni va uning infratuzilmasi, shu jumladan, nefti bo‘lib qolmoqda.
Ma’lumot uchun, 2020-yilning noyabr oyida “Ansar Alloh” harakati tarkibiga kiruvchi yamanlik isyonchilar vakili Saudiya Arabistonining Jidda shahrida Saudi Aramco neft kompaniyasining taqsimlash stansiyasi raketa bilan o‘qqa tutgan edi. Saudiya Arabistonida faoliyat olib boruvchi chet el kompaniyalari ehtiyot bo‘lishi kerak, chunki bunday operatsiyalar hali davom etadi, degan edi xusiylar.
Izoh (0)