Bugun,

  • USD 10940.05
  • RUB 182.26
  • EUR 11121.65

“O‘zgidromet” ma’lumotlariga ko‘ra, 19-aprel kuni mamlakat bo‘ylab kam bulutli ob-havo bo‘ladi, yog‘ingarchilik kutilmaydi. Faqat Qoraqalpog‘istonning shimoliy tumanlarida ba’zi joylarda biroz yomg‘ir yog‘ishi, momaqaldiroq bo‘lishi mumkin, ba’zi joylarda shamol 15-20 metr/sekundgacha kuchayadi. Kunning o‘rtasiga kelib, havo 24-27 daraja iliqgacha isiydi.

Foto: “Daryo”

Foto: “Daryo”

20—21-aprel kunlari O‘zbekiston hududiga Kaspiy dengizi hududlaridan nam havo massalari, so‘ng Ural hududlaridan deyarli sovuq antitsiklon kirib keladi.

20-aprelda kunduz kuni Toshkent, Samarqand, Jizzax, Sirdaryo viloyatlarida yomg‘ir yog‘adi, momaqaldiroq bo‘lishi mumkin. Buxoro, Navoiy, Qashqadaryo, Surxondaryo viloyatlarida faqat ba’zi joylarda biroz yomg‘ir yog‘ishi mumkin. Havo harorati kechasi 12-17 daraja iliq, kunduzi 17-22 daraja iliq atrofida bo‘ladi.

21-aprelda respublikaning markaziy va sharqiy hududlarida yomg‘ir yog‘adi, ba’zi joylarda momaqaldiroq bilan kuzatiladi. Kunduzgi havo harorati 13-18 daraja iliqgacha pasayadi.

Respublikaning ayrim tumanlarida 20—21-aprel kunlari shamol 17-22 metr/sekundgacha kuchayishi mumkin. Respublikaning tog‘oldi va tog‘li hududlarida shu kunlarda yomg‘ir yog‘adi, ba’zi joylarda kuchli bo‘ladi, sel kelishi xavfi bor.

Ish haftasining ikkinchi yarmida O‘zbekistonning barcha hududlari bo‘yicha kam bulutli va quruq ob-havo bo‘ladi.

22-aprelda sovuq antitsiklon periferiyasida harorat kechalari 3-8 daraja iliqgacha pasayadi, kunduz kungi harorat esa asta-sekin ko‘tarila boshlaydi va kunduzi havo 17-20 daraja iliqgacha isiydi, 23-aprelda esa 22-25 daraja iliqgacha ko‘tariladi.

Toshkent va Namangan viloyatlarining tog‘li hududlarida 2200 metrdan yuqorida qor ko‘chishi xavfi bor.

Eslatib o‘tamiz, “O‘zgidromet” 20-aprelda O‘zbekiston hududiga shimoli-g‘arbiy oqim bilan Rossiya hududlaridan sovuq va nam havo massalari kirib kelishi boshlanishini, 20—21-aprelda ko‘pgina viloyatlarda yomg‘ir yog‘ib, shamol tezligi kuchayishi kutilayotganini ma’lum qilgandi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak