Instagram: Marhum muxlisining orzusini amalga oshirgan Malika Ravshanova, Nigora Karimboyevaning turmush o‘rtog‘i arabmi? O‘zbeklardan minnatdor Maryam Tillayeva

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Hilola Hamidova Dubayga ketdi. U hordiq chiqarish bilan birga, ushbu shaharda klip suratga oldirmoqchi.

Dilso‘z esa tog‘ yonbag‘rida dam olmoqda.

“Agar folloverlarim 50 mingtaga ko‘payishi uchun erga tegishim kerakligini oldinroq bilganimda, bu ishni oldinroq qilardim”. Maryam Tillayeva Instagram’dagi kuzatuvchilari ko‘paygani munosabati bilan o‘zbekistonliklarga minnatdorchilik bildirdi.

Ulug‘bek Qodirov Umid Iskandarov va Alihan bilan iftorlik qildi.

Aktrisa Nigora Karimboyeva “Mirsodiqova bilan” YouTube kanaliga bergan intervyusida arab erkakka turmushga chiqqani haqidagi mish-mishlarga oydinlik kiritdi.

Shahlo Zoirova Yulduz Usmonovanikida mehmonda bo‘ldi.

Sitora Farmonova rasmlarida ko‘pincha uning yonida ko‘rinish beradigan yigit sevgilisi emas, ukasi ekanligi haqida tushuntirish berdi.

Samarqand viloyati Toyloq tumanida yashagan 9,5 yoshli Xushnudbek ismli bolakay bir yil avval vafot etgan. U o‘limidan bir kun avval onasiga “Bu mening onam” qo‘shig‘ini kuylab berib, “Men sizni, albatta, ko‘rsatuvga olib chiqaman” deb aytgan. Ko‘rsatuv ijodkorlari va Malika Ravshanova Xushnudbekning onasini yo‘qlab bordi.