APLning 2 klubi “Real” himoyachisi Rafael Varan uchun kurash olib boradi
“Real” himoyachisi Rafael Varan faoliyatini Angliya Premyer Ligasida davom ettirishi mumkin.
27 yoshli futbolchiga “Manchester Yunayted”dan qiziqish borligi, ingliz klubi va futbolchi o‘rtasidagi muzokaralar ijobiy tus olayotgani xabar qilingandi. Endilikda mankunianlarga raqobatchi ham topildi.
“Chelsi” ustozi Tomas Tuxel fransiyalik futbolchini o‘z jamoasida ko‘rmoqchi, deya xabar qilmoqda Bild jurnalisti Kristian Falk.
Varanning madridliklar bilan amaldagi shartnomasi 2022-yilning yoziga qadar mo‘ljallangan. Klub Rafael bilan yangi shartnoma borasida murosaga kela olishiga ishonmayapti. Shu tariqa “Real” futbolchini tekinga qo‘yib yubormaslikni istasa, 2021-yilning yozida sotib yuborishiga to‘g‘ri keladi.
27 yoshli futbolchi 2020/21-yilgi mavsum La Ligada 27 o‘yin o‘tkazib, ikkita gol urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
