Lenovo kompaniyasi geymerlar uchun Legion Duel 2 smartfonini taqdim etdi. Flagman ikkita USB-C porti va ikkita sovituvchi kulerga, orqa qopg‘og‘ida noodatiy simmetrik dizayn va RGB-yoritgichlarga ega, deb yozadi “Afisha.uz”.

Foto: “Afisha.uz”

Smartfon Full HD+ sifatni qo‘llab-quvvatlovchi va 144 gertsli yangilanish chastotasiga ega 6,92 dyuymli OLED-displey bilan jihozlangan. Barmoq izi skaneri ham displeyga joylashtirilgan. 44 megapikselli frontal kamerasi qurilmaning yon tomonidan chiqib keladi.

Yangi qurilmada asosiy kamera ikkita: 64 va 16 Mp. 64 megapikselli datchik yordamida soniyasiga 30 kadrdan iborat 8K sifatli va soniyasiga 120 kadrdan iborat 4K sifatli videoni yozish mumkin. Kameralar yonida RGB-yoritgichli logotip va kulerlar uchun ventilyatsion teshik joylashgan — ular daqiqasiga 15 ming marta aylanadi.

Foto: “Afisha.uz”

Legion Phone Duel 2’ning yon tomonlaridan biriga to‘rtta ultratovushli tugma, shuningdek, orqa tomoniga ikkita sensor o‘rnatilgan.

Smartfon ichidan Snapdragon 888 protsessori, 18 gigabayt tezkor va 512 gigabayt ichki xotira o‘rin olgan. Lenovo’dagilarning aytishicha, sig‘imi 5500 mA/soatga teng akkumulyator 909 vattli quvvatlantirish blokida 17 daqiqa ichida 100 foizgacha quvvatlana oladi.

Foto: “Afisha.uz”

Yevropada Legion Phone Duel 2-maydan boshlab sotuvga chiqadi. Smartfonga qo‘shimcha ravishda aksessuarlarni ham xarid qilish mumkin: tashqi sovituvchi kuler va klaviatura va sichqonchaga ulanish imkoniyatiga ega USB-portlar uchun HDMI orqali tasvirni monitorga uzatadigan maxsus dok.

Foto: “Afisha.uz”

Lenovo Legion Duel 2’ning Yevropadagi rasmiy narxi:

  • 12/256 GB — 799 yevro;
  • 16/512 GB — 999 yevro;
  • 18/512 GB — 1099 yevro.

Avvalroq Lenovo Legion Duel 2 egiluvchanlik testida uch qismga bo‘linib ketgani to‘g‘risida xabar berilgandi.