AQShda Yerga juda yaqin masofadan uchib o‘tgan meteorit videoga olindi

Florida shtatidagi Uest-Palm-Bich shahrida Yerga juda yaqin masofadan uchib o‘tgan osmon jismi tasvirga olindi, deb xabar beradi Esquire.

Obyekt o‘zidan yorqin olovli yorug‘lik qoldirgan, shuningdek, guvohlar portlashga o‘xshash ovoz haqida ham aytmoqda. Kosmik jismning qulashini domofonlardagi kameralar va AQShning boshqa ko‘plab shaharlaridagi videoregistratorlar qayd etgan.

Mutaxassislarning Amerika uzra nima uchib o‘tgani borasidagi fikrlari turlicha. Kimdir buni astronomlar tomonidan bir necha kun oldin aniqlangan 2021 GW4 asteroidi desa, boshqalar uni meteorit qoldiqlari deb atamoqda.

https://twitter.com/jayobtv/status/1381796466671357960

Ekspertlarning so‘zlariga ko‘ra, osmon jismining o‘lchami avtomobildek — 4 metrga yaqin bo‘lgan. U Yerga yaqinlashgan minimal masofa — 26,2 kilometr. Asteroid hech qanday xavf tug‘dirmagan.

Avvalroq Yoqutiston uzra olovli shar uchib o‘tgani va uning nima ekanligi noma’lumligicha qolayotgani to‘g‘risida xabar berilgandi.