Prezident Shavkat Mirziyoyev 13-aprel kuni yoshlar masalalariga bag‘ishlab o‘tkazilgan videoselektor yig‘ilishida Madaniyat vazirligi “Turkiston” san’at saroyiga ko‘chishi ma’lum qilindi, deb yozadi “Gazeta.uz”.
Ta’kidlanishicha, mazkur san’at saroyida vazirlik uchun zarur sharoitlar yaratilishi belgilab berilgan.
Ma’lumot uchun, “Turkiston” san’at saroyi O‘zbekistonning Birinchi Prezidenti Islom Karimov tashabbusi bilan 1993-yilda ochilgan.
Eslatib o‘tamiz, 2017-yilda Toshkentdagi ilgari Tashqi savdo vazirligi joylashgan tarixiy binoni Madaniyat vazirligiga ajratishga qaror qilingandi. O‘shanda Shavkat Mirziyoyev butun dunyoda Madaniyat vazirligi mamlakatning yuzi hisoblanib, eng go‘zal, salobatli binolarda faoliyat olib borishini, O‘zbekistonda esa noqulay sharoitda, asosan, rasmiy idoralar joylashgan binoda ish olib borayotganini qayd etib o‘tgan edi.
Vazirlikning hozirgi binosi 1898-yilda arxitektorlar Geyntselman va Maksimov loyihalari asosida bunyod etilgan bo‘lib, u arxitektura yodgorligi hisoblanadi.
Izoh (0)