Birlashgan Arab Amirliklari (BAA) qirg‘oqlarida Isroilga tegishli yuk kemasiga hujum uyushtirildi. Hyperion Ray kemasiga qilingan hujum Fujayra amirligi yaqinida sodir bo‘ldi, deb yozadi Meduza.
Isroilning eng mashhur “12” telekanali yuk kemasi uzoq masofadan raketa bilan urilganini va kemaning o‘zi zarar ko‘rmaganini da’vo qilmoqda. Reuters manbalariga asoslanib yozishicha, kemada portlash sodir bo‘lgan, ammo qurbonlar yo‘q.
Times of Israel gazetasining xabar berishicha, Quddusdagi rasmiylar hujumga Natanz shahridagi uranni boyitish zavodidagi portlash tufayli Isroildan qasos olishga va’da bergan Eronning aloqasi bor, deb hisoblamoqda.
BAAning arab tilida yuritiluvchi Al-Arabia telekanali manbalariga tayanib, “Isroilga tegishli yuk kemasi Eron raketasi bilan urilganidan keyin” Isroil harbiy dengiz kuchlari yuqori tayyorgarlik holatga keltirilganini aytdi.
Isroil, Eron va BAA rasmiylari bu borada izoh bermadi.
Yuk kemasiga hujum uyushtirilishidan avval 11-aprelda Eronning Natanz shahridagi Ahmad Roshan nomli uranni boyitish kompleksida elektr ta’minotini taqsimlash tizimida muammolar kuzatilgan. Ali Akbar Solihiy tizimdagi nosozlik “yadro terrorchiligi” harakati tufayli yuzaga kelganini bildirgan. Ammo u mazkur harakatlar ortida qaysi kuchlar turganligi borasida muayyan fikr bildirmaslikka qaror qilgan.
12-aprel kuni Eron tashqi ishlari vaziri Javod Zarif Isroilning Natanzdagi yadro obyektiga uyushtirilgan hujum uchun mas’uliyatni o‘z zimmasiga olganini ma’lum qildi va Tehron bu harakat uchun javob qaytarishini bildirdi. Keyinchalik Zarif hali sodir bo‘lgan hodisa uchun yakuniy xulosalar olinmaganini aytib, qayta ogohlantirish bergan.
Eron OAV mamlakat razvedka vazirligidagi manbalarga tayanib, Tehronning Natanzdagi obyektga uyushtirilgan hujum ortida turgan shaxsning kimligi aniqlangani va ayni vaqtda uni qo‘lga tushirish borasidagi chora-tadbirlar amalga oshirilayotganini xabar qilgan.
Izoh (0)