Amerikalik reper Kanye Uest Kim Kardashyan bilan ajrashganidan so‘ng, to‘rt nafar farzandini birgalikda vasiylik qilishga rozi bo‘ldi. 9-aprel kuni musiqachining yuristlari tegishli arizani Los-Anjeles oliy okrug sudiga kiritgan, deb xabar beradi Esquire.
Nikoh shartnomasiga ko‘ra, Kardashyan va Uestning birgalikdagi mol-mulki yo‘q. Er-xotinning ikkisi ham o‘zaro murosasizlikni ajrashishga sabab sifatida ko‘rsatgan. Shuningdek, Uest va Kardashyan qonun bo‘yicha kamroq daromad topadigan sherigiga pul undirish imkonini beradigan er-xotin alimentlaridan voz kechgan. Ajrashish sanasiga aniqlik kiritilmagan.
2021-yilning yanvarida Amerika realiti-shoulari yulduzi Kim Kardashyan 6 yillik turmushdan so‘ng, reper Kanye Uest bilan ajrashayotgani to‘g‘risida xabarlar tarqalgandi. Realiti-shoular yulduzi va reper 6 yillik turmushdan so‘ng ajrashishga qaror qilgan, juftlikning to‘rt nafar farzandi bor. Katta qizi Nort hozirda 7 yoshda, o‘g‘li Seynt — besh yosh, Chikago ismli qizi keyingi hafta uch yoshga to‘ladi, kenjasi Saam esa endigina to‘qqiz oylik bo‘ldi.
Ma’lumot uchun, Kanye Uest Kardashyanning uchinchi turmush o‘rtog‘i hisoblanadi. Birinchi turmush o‘rtog‘i, musiqa prodyusseri Deymon Tomas bilan u 2004-yilda ajrashgan bo‘lsa, basketbolchi Kris Xamfris bilan qurgan ikkinchi turmushi esa 72 kun davom etgan.
Izoh (0)