Shavkat Mirziyoyev Tojikiston prezidenti Emomali Rahmonning taklifiga binoan 10−12-iyun kunlari rasmiy tashrif bilan Dushanbeda bo‘ladi, deb xabar berdi Asia Plus Tojikiston hukumatidagi manbasiga tayanib.
Xabarda aytilishicha, davlat rahbarlari o‘zbek-tojik munosabatlarining barcha sohalardagi istiqbollarini muhokama qilishi kutilmoqda. Ilgari erishilgan kelishuvlarni amalga oshirish borasidagi ishlar ham tahlil qilinadi.
Tashrif yakunlariga ko‘ra, ikki mamlakat o‘rtasida transport, energetika, savdo, moliya, qishloq xo‘jaligi, madaniyat va ilm-fan sohalarida yangi shartnomalar to‘plami imzolanishi rejalashtirilgan.
Dushanbega tashrif doirasida ikki davlat san’at ustalarining qo‘shma konserti — “Shomi do‘sti” (Do‘stlik oqshomi) ham bo‘lib o‘tadi.
Ma’lumot uchun, Shavkat Mirziyoyev davlat tashrifi bilan Tojikistonga 2018-yil mart oyida, so‘ng 2018-yilning sentabr oyi oxirida borgandi. Keyinchalik, 2019-yil 14-iyunida Osiyoda o‘zaro hamkorlik va ishonch choralari bo‘yicha konferensiyaning beshinchi sammitida ishtirok etish uchun Tojikistonga borgan.
Izoh (0)