Navoiy viloyatining Konimex tumani markazida ming nafardan ortiq namozxonga mo‘ljallangan “Mix ota” masjidi qayta qurilib, foydalanishga topshirildi, deya xabar bermoqda O‘zA.
Ta’kidlanishicha, Prezidentning 2019-yil mart oyida Navoiy viloyatiga tashrifi davomida konimexlik bir guruh faollarning tuman markazida zamonaviy masjid barpo etish yuzasidan bildirgan taklifi oradan ikki yil o‘tib amalga oshdi.
Madaniyat vazirligi, viloyat hamda Konimex tumani hokimliklarining qo‘llab-quvvatlashi, saxovatpesha insonlarning beg‘araz homiyliklari tufayli “Sardoba Malik Rabot” xususiy korxonasining usta-me’morlari tomonidan qurilgan yangi masjid qad rostladi.
Bundan avval Samarqandda yana uchta, Sirdaryoda esa bitta yangi masjid ochilgani, O‘zbekistonda masjidlar soni 2088 taga yetgani hamda Ramazon oyida O‘zbekistondagi 1400 ga yaqin masjidda Qur’oni karim xatm qilinishi haqida xabar berilgandi.
Izoh (0)