Velikiy Novgorod shahrida Kosmonavtika kuni munosabati bilan noodatiy shou o‘tkazildi — 500 dan ortiq dron shahar uzra parvoz qilib, insonning koinotga amalga oshirgan birinchi parvozini tasvirladi, deb xabar beradi Esquire.
Dronlar Yuriy Gagarin Yer orbitasiga yo‘l olgan “Vostok” apparatining uchishini va raketani kosmosda o‘rab olgan yo‘ldoshlarni tasvirlagan.
Ijtimoiy tarmoqlarda yozilishicha, ushbu aksiyani “Geoskan” uchuvchisiz boshqariladigan uchish qurilmalarini ishlab chiqarish bilan shug‘ullanuvchi kompaniya tashkillashtirgan. 2020-yilda “Geoskan” Sankt-Peterburgda Ikkinchi jahon urushining 75 yilligi munosabati bilan 2200 ta dron uchirgan edi.
Ma’lumot uchun, 1961-yilning 12-aprel sanasida rus yigiti Yuriy Alekseyevich Gagarin “Vostok” kosmik kemasida insoniyat tarixida birinchi marotaba ochiq koinotga parvoz qilgan va kosmosni o‘zlashtirish erasini ochib bergan edi. U Boyqo‘ng‘ir kosmodromidan 09:07 da o‘zining mashhur xitobi – “Poyexali!” deya startga chiqib, 108 daqiqa mobaynida Yer shari atrofida orbital parvozda bo‘lgan va soat 10:55 da Saratov viloyatidagi Smelovka qishlog‘idagi dala hududiga muvaffaqiyatli qo‘ngan.
Izoh (0)