Farg‘ona viloyatining Dang‘ara tumanida Lacetti va velosiped ishtirokida yo‘l-transport hodisasi sodir bo‘ldi. Bu haqda “Daryo”ga viloyat IIB axborot xizmati xabar berdi.
Ma’lum qilinishicha, 2021-yilning 8-aprel kuni fuqaro N.Yo. boshqaruvidagi Lacetti Toshkent ko‘chasida ketayotib, yo‘lning qatnov qismini velosipedda kesib o‘tayotgan A.B.ni urib yuborgan. Oqibatda A.B. tan jarohati olib, shifoxonada vafot etgan.
Holat yuzasidan Dang‘ara tuman IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Ayni paytda tergov harakatlari davom etmoqda.
Eslatib o‘tamiz, avvalroq Yakkasaroyda Lacetti, Damas hamda Spark ishtirokida YTH sodir bo‘lgani, Jizzaxda esa yuk mashinasi va 2 avtomobil ishtirokidagi YTH oqibatda 1 kishi vafot etgani haqida xabar berilgandi.
Izoh (0)