Amerikalik bloger Maykl Xissong o‘zining YouTube’dagi kanaliga navbatdagi ekstremal videoni joylashtirdi. Bu safar erkak kichik tramplindan Lamborghini Urus yordamida Aventador ustidan sakrab o‘tdi, deb xabar beradi Motor.
Videorolik uchun Maykl Xissong rafiqasining sariq Lamborghini Urus mashinasidan foydalangan, shuningdek, xuddi shu rangdagi Aventador’ni garajida olib kelgan. Ekstremal tryukka tayyorgarlik vaqtida erkak Urus’ning pnevmatik “podveska”sini yo‘ltanlamas rejimiga o‘tkazgani sabab mashina tubi yer orasidagi masofa oshgan. Sariq Aventador ikkita sun’iy tramplin orasiga shunday joylashtirilganki, superkarning tom qismi deyarli bir xil darajada qolgan.
Yigirma metr uzoqlikdan tezlanishni amalga oshirgan yo‘ltanlamasda superkar ustidan uchib o‘tgan. Parvoz vaqtida Urus Aventador’ga deyarli tekkan, biroq ekstremal tryuk davomida transport vositalarining hech biriga shikast yetmagan. Yerga qo‘nganidan so‘ng, erkak muvafaqqiyatli qo‘nishni amalga oshirish uchun inersiya bo‘yicha oldinga harakatlangan. Blogerning so‘zlariga ko‘ra, tryukni bajarishga tayyorgarlik ko‘rish vaqtida u sakrash trayektoriyasini matematik modellashtirish yordamida hisoblab chiqqan.
Bu Maykl Xissongning birinchi ekstremal sakrashi emas. O‘tgan safar amerikalik YouTube’dagi kanaliga 712 ot kuchiga ega Ram 1500 TRX yordamida amalga oshirgan bir nechta tryuklari videosi joylashtirgan edi. Shundan so‘ng, Pensilvaniya shtatining Baliqchilik bo‘yicha komissiyasi erkakni atrof-muhit himoyasi to‘g‘risidagi qonunni buzishda ayblab chiqqan.
Izoh (0)