Shavkat Mirziyoyevning tegishli farmoni asosida Aziz Abduqahhorovich Abduhakimov bosh vazirining o‘rinbosari – O‘zbekiston turizm va sport vaziri lavozimiga tasdiqlandi. Bu haqda O‘zA xabar qildi.
Shuningdek, Prezidentning tegishli qarori asosida:
- Ulug‘bek Ahmadovich A’zamov turizm va sport vazirining birinchi o‘rinbosari lavozimiga;
- Abdulaziz O‘rolboyevich Aqkulov turizm va sport vazirining o‘rinbosari lavozimiga;
- Avazjon Qudratillayevich Karimov turizm va sport vazirining o‘rinbosari lavozimiga;
- Zarif Ochilovich Kazakov turizm va sport vazirining o‘rinbosari lavozimiga tayinlandi.
Bundan tashqari, Prezidentning tegishli qarori asosida boshqa ishga o‘tishi munosabati bilan Faxriddin Umarovich Davrukov Turizmni rivojlantirish davlat qo‘mitasi raisining o‘rinbosari lavozimidan ozod etildi.
Bundan avval O‘zbekiston sog‘liqni saqlash tizimida qator tayinlovlar amalga oshirilgani, O‘zbekiston qishloq xo‘jaligi vaziriga yangi o‘rinbosar hamda Din ishlari bo‘yicha qo‘mitaga yangi rais tayinlangandi.
Izoh (0)