O‘tgan bir sutka ichida Toshkent va Nukus shaharlari hamda viloyat markazlarida koronavirus infeksiyasiga qarshi yana 18 224 kishi emlandi, deb xabar bermoqda Sog‘liqni saqlash vazirligi matbuot xizmati.
O‘zbekistonda shu kungacha mamlakatda koronavirus infeksiyasiga qarshi emlangan fuqarolar soni 83 076 nafarga yetdi.
8-aprel kunidagi emlash ko‘rsatkichlari bo‘yicha yuqori o‘rinlarni
- Namangan viloyati (2698 nafar),
- Surxondaryo viloyati (2110 nafar),
- Andijon viloyati (1895 nafar),
- Qashqadaryo viloyati (1760 nafar),
- Xorazm viloyati (1591 nafar),
- Farg‘ona viloyati (1487 nafar),
- Jizzax viloyati (1150 nafar),
- Samarqand viloyati (1140 nafar),
- Toshkent shahri (1078 nafar),
- Toshkent viloyati (1029 nafar) band qildi.
Eslatib o‘tamiz, aholini koronavirusga qarshi emlash tadbirlari 1-apreldan boshlandi. Emlash dastlab qariyalar, sog‘liqni saqlash xodimlari, OAV vakillarida ko‘ngilli tarzda o‘tkaziladi. 7-aprel holatiga ko‘ra, mamlakat bo‘ylab 15 250 kishi koronavirusga qarshi emlangan edi.
Ular AstraZeneca va O‘zbekiston—Xitoy hamkorligida ishlab chiqilgan ZF-UZ-VAC 2001 vaksinasi bilan emlanmoqda. Bunda emlanuvchi birinchi emlanishni qaysi vaksina bilan boshlasa, ikkinchisini ham aynan o‘sha vaksina bilan yakunlaydi.
Izoh (0)