Latviya prezidenti Egils Levits Rigada kichik YTHga uchradi. Hodisa oqibatida hech kim jabrlanmadi. Bu haqda prezident devonxonasi ma’lumotiga tayanib, mahalliy LETA agentligi xabar berdi, deb yozmoqda “Korresponden.net”.
Xabar berilishicha, Riga shahridagi chorrahalardan birida Levits o‘tirgan Lexus LS avtomobilining keskin to‘xtashi natijasida unga prezident tansoqchilari boshqaruvidagi Volkswagen Touareg yo‘ltanlamasi kelib urilgan.
Voqea sodir bo‘lgan joyda tomonlar avtohalokat to‘g‘risida kelishilgan dalolatnoma tuzgan. Shundan keyin avtomobillar o‘z yo‘lida davom etgan va YTH davlat rahbarining kun tartibiga hech qanday ta’sir o‘tkazmagan.
YTH haqidagi ma’lumot Latviya davlat politsiyasiga yetkazilgan.
Avvalroq Chechenistonda OAV tomonidan “Qodirov jamoasidan bo‘lmagan yagona mer” deb e’tirof etilgan Argunning sobiq meri YTH oqibatida Ibrohim Temirboyev vafot etgani haqida xabar berildi. Sobiq amaldorning yaqinlari bergan ma’lumotlarga ko‘ra, Temirboyev o‘tirgan avtomobil Shatoy-Grozniy trassasida jarlikka qulab tushgan.
Izoh (0)