Nafaqat ijro mahorati, balki go‘zalligi bilan ham muxlislar qalbidan joy olgan turk aktrisalari bo‘yanmaganda ham makiyaj qilgani singari ko‘rinishga egami, degan savolga taqdim qilingan suratlardan javob topish mumkin.
Berguzar Korel
“Muhtasham yuz yil” yulduzi nafaqat kino, balki hayotda ham ko‘zlariga urg‘u berishni yaxshi ko‘radi. U qora strelka chizib kipriklarini qalin qilib bo‘yaydi. Bundan tashqari, Halit Ergenchning rafiqasi qoshlariga e’tibor berib, uni tartibli ko‘rsatish uchun maxsus vositalardan foydalanadi. Dam olish kunlari makiyajsiz yurish u uchun tabiiy hol. Ijtimoiy tarmoqlarda uning bo‘yanmasdan tushgan suratlarini ko‘rish mumkin.
Pelin Akil
Pelin tashqi ko‘rinishi bilan eksperiment qilishni yaxshi ko‘radi. Uning Instagram sahifasida sochlarining tekis va jingalak qilib turmaklangan suratlarini topish mumkin. Uning suratlariga nazar tashlab, ba’zida lab va ko‘zlariga urg‘u berishni yaxshi ko‘rishini bilish mumkin. Makiyajsiz esa uni bir qarashda tanib bo‘lmaydi. Ammo uning Instagram obunachilari bundan ko‘rinishiga o‘rganib qolgan.
Gokche Bahadir
“Menga ertak aytma” seriali yulduzi yorqin ko‘rinishga ega ekani sabab ham kam makiyaj bilan cheklanishi mumkin. Kundalik turmushda labi va qoshlariga urg‘u beradigan aktrisa professionallarga murojaat qilganda tamoman o‘zgacha ko‘rinishga ega bo‘ladi.
Gizem Karaja
2011-yildagi “Dunyo go‘zali” tanlovida Turkiya nomidan ishtirok etgan aktrisaning surati jurnal muqovalaridan tushmaydi. Sochining rangi och ekani va jigarrang ko‘zlari uni boshqalardan ajralib turishiga sababchi bo‘ladi. Yorqin makiyaj qilish orqali esa yanada jozibali ko‘rinadi. Kipriklarini qalin qilib bo‘yab, ko‘zining tashqi burchagiga ten surtishni afzal biladi.
Merve Sevi
Noodatiy tashqi ko‘rinishga ega bo‘lgan 32 yashar aktrisa makiyaj qilishni ham maromiga yetkazadi. Uning Instagram’ini tomosha qilgan odam vizajistning sahifasini ko‘zdan kechirgandek his qilishi mumkin o‘zini. Urg‘u berilgan yonoqlari, tartibga keltirilgan qoshlari va qirmizi lablari kishini o‘ziga jalb etmay qolmaydi. Qora qalam bilan tush surtishning o‘zida ham yetarlicha sohibjamol ko‘rinadi.
Esra Bilgich
Shahlo ko‘zlar, qalin qoshlar egasi bo‘lgan Esra ulama kipriklardan ham foydalanib turadi. Kundalik turmushda esa lab va ko‘zlarini bo‘yashni ma’qul ko‘radi. Sochlarini esa shunchaki yig‘ishni yoki ployka bilan jingalak qilishni afzal biladi.
Izoh (0)