Sankt-Peterburgning Petrograd tumanida O‘zbekiston fuqarosiga qilingan hujum bo‘yicha surishtiruv harakatlari olib borilmoqda, deya xabar bermoqda “78.ru”.
Ma’lum qilinishicha, 6-aprel kuni soat 16:30 atrofida militsiya bo‘limiga Xare orolida joylashgan “Koryushka” restoranining yonida pichoqlab ketilgan shaxs haqida ma’lumot kelib tushgan.
Voqea joyiga yetib kelgan huquqni muhofaza qiluvchi xodimlar tomonidan qorin bo‘shlig‘i pichoq bilan yaralangan 22 yoshli O‘zbekiston fuqarosi aniqlangan. Jarohatlangan shaxs tez yordam brigadasiga topshirilgan.
Jarohatlangan yigit rus tilini yaxshi bilmasligi sabab hech narsani tushuntirolmagan. Hozirda u og‘ir ahvolda Yelizavet kasalxonasiga yotqizilgan.
Biroz vaqt o‘tgach, O‘zbekistonning 21 yoshli fuqarosi Chkalovskiy prospektida jinoyat sodir etganlikda gumon qilinib hibsga olingan. Ayni paytda jinoiy ish qo‘zg‘atish masalasi hal qilinmoqda.
Bundan avval Sankt-Peterburgda o‘zbekistonlik mikroavtobus haydovchisiga pichoq bilan hujum qilgan shaxs qo‘lga olingani, Istanbulda o‘zbekistonlik deya gumon qilingan marhum yigitning shaxsiga aniqlik kiritilgani hamda Sankt-Peterburg metrosida mast holda politsiyachilarga hujum qilgan o‘zbekistonlik 10 oyga qamalgani haqida xabar berilgandi.
Izoh (0)