“Chelsi” Chempionlar Ligasi chorak final dastlabki bahsi doirasida 7-aprel kuni “Portu”ni taslim etdi (2:0).

Foto: Twitter

Uchrashuvning 32-daqiqasida Meyson Maunt hisobni ochdi. 22 yosh-u 87 kunlik Maunt Chempionlar Ligasi pley-off bosqichida gol urgan “Chelsi” tarixidagi eng yosh futbolchiga aylandi.

Ta’kidlash joiz, londonliklar raqib darvozasi tomon berilgan birinchi zarbadayoq gol urishga muvaffaq bo‘ldi.

Maunt joriy mavsum Premyer Ligada 29 o‘yin o‘tkazib, 6 ta gol muallifiga aylandi.

“Chelsi” va “Portu” o‘rtasidagi javob o‘yini 13-aprel kuni bo‘lib o‘tadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!