Mashhur aktyor Anupam Kherning rafiqasi — 68 yoshli Bollivud aktrisasi Kirron Kher suyak iligi saratoni kasalligiga chalindi. Bu haqda aktrisaning turmush o‘rtog‘i o‘zining Instagram sahifasida ma’lum qildi.

Foto: Getty Images

Anupam ayolining kasalligini tasdiqlagan holda, u hozir davolanayotganini hamda rafiqasi bu kasallikdan qutulib ketishiga ishonishini aytgan.

Kirron Kher mahoratli Bollivud aktrisasi bo‘lib, o‘zbek tomoshabinlariga “Devdas” va “Om Shanti Om” filmlaridagi ijrosi bilan yaxshi tanish.

Foto: Getty Images

So‘nggi yillarda aktrisa televizion realiti-shoularda hakam sifatida ishtirok etib kelmoqda. Shuningdek, u 2014-yilda BJP xalq partiyasiga qo‘shilgan holda siyosiy maydonga ham qadam qo‘ygan.

Avvalroq Munnaboy rolini ijro etgan hind aktyori Sanjay Dattga o‘pka saratoni tashxisi qo‘yilgani haqida xabar berilgan edi.