“Bavariya”ning Chempionlar Ligasidagi mag‘lubiyatsiz seriyasi yakunlandi. Xans Flik musobaqada ilk bor yutqazdi

“Bavariya” Chempionlar Ligasi chorak final dastlabki bahsi doirasida 7-aprel kuni PSJga qarshi kechgan bahsda mag‘lubiyatga uchradi (2:3).

Myunxenliklar klubi Chempionlar Ligasida 20 o‘yin deganda ilk bor yutqazdi. Avvalroq nemis klubi 18 o‘yinni g‘alaba bilan yakunlagan va bitta durang qayd etgandi. So‘nggi bor “Bavariya” ushbu musobaqa doirasida 2019-yilning 13-martida “Liverpul”ga yutqazgandi (1:3).

Bu “Bavariya” ustozi Xans-Diter Flik uchun YChL doirasidagi ilk mag‘lubiyat bo‘ldi. Mutaxassis 2020-yilning noyabr oyida myunxenliklarni qabul qilib olganidan keyin shu kunga qadar musobaqada 14 g‘alaba va bir durangni o‘z hisobiga yozdirib qo‘ygandi.

Shuningdek, “Bavariya” barcha musobaqalarni hisoblaganda 2019-yilning noyabridan keyin birinchi marta o‘z uyida mag‘lub bo‘ldi. O‘shanda Myunxen klubi Bundesliga o‘yinida “Bayer”ga yengilgandi (1:2).

PSJ va “Bavariya” jamoalari o‘rtasidagi javob o‘yini 13-aprel kuni bo‘lib o‘tadi.