Turkiyaning Anqara shahrida mamlakat prezidenti Rajab Toyyib Erdo‘g‘on va Yevropa kengashi rahbari Sharl Mishel bilan bo‘lgan uchrashuvda Yevropa komissiyasi rahbari Ursula fon der Lyayyenga kursi yetmay qoldi, deb xabar berdi New Paper 24 nashri.
Tasvirda siyosatchilarning o‘z o‘rinlarini egallagani, fon der Lyayyen esa ularning ortidan kirib bo‘sh o‘rindiq topa olmaganini ko‘rish mumkin. Lekin vaziyat darhol bartaraf etildi, Yevrokomissiya raisi xonada turgan divandan joy egalladi.
Erdo‘g‘on ma’muriyatining izoh berishicha, muzokaralar o‘tkazish joyi sababli yetarlicha o‘rindiqlar bo‘lmagan. Muzokaralar boshqa xonada o‘tkazilgan bo‘lishi mumkin.
Uchrashuvda Yevropa institutlari rahbarlari Erdo‘g‘onga iqtisodiy hamkorlikni rivojlantirish g‘oyalari va qochqinlar masalasi bo‘yicha takliflarini taqdim etishi kerak edi.
Avvalroq Buyuk Britaniya bosh vaziri Boris Jonson 29-yanvar kuni Yevropa komissiyasi rahbari Ursula fon der Lyayyen bilan vaksinaning Shimoliy Irlandiyaga yetkazilishiga qo‘yilgan taqiqqa oid vaziyatni muhokama qilgani haqida xabar berildi.
Yevropa Ittifoqi mamlakatlarining vazirlari Belarusga qarshi qo‘shimcha sanksiyalar qo‘llashni bir ovozdan ma’qulladi. Bu haqda Yevrokomissiya rahbari Ursula fon der Lyayyen Twitter’dagi sahifasida e’lon qilgan.
Izoh (0)