Navoiy viloyati Karmana tumanida Isuzu yuk mashinasi piyodani urib ketdi, deya xabar qilmoqda YXHBB.
Qayd etilishicha, 2021-yilning 1-aprel kuni tonggi soat 04:40 lar atrofida Karmana tumani hududidan o‘tgan 4K-364 davlat ahamiyatiga ega bo‘lgan avtomobil yo‘lining 23-kilometrida 35 yoshli 17 yillik haydovchilik tajribasiga ega bo‘lgan haydovchi Isuzu rusumli yuk mashinasida Jaloyir—Zarafshon yo‘nalishida harakatlanib kelayotgan vaqtida 46 yoshli piyodani urib yuborib, yo‘l-transport hodisasi sodir etgan.
YTHdan so‘ng haydovchi piyodaga yordam bermasdan qochib ketgan. Shifoxonaga olib borilgan jabrlanuvchi o‘sha yerda vafot etgan.
Tuman tibbiyot birlashmasining birlamchi ma’lumotlariga ko‘ra, piyoda spirtli ichimlik ta’sirida ekanligi aniqlangan. Fuqaro mast holda harakatlarini boshqara olmasligi oqibatida o‘z muvozanatini yo‘qotib, yo‘lning belgilanmagan qismiga chiqib ketgan.
Hozirda mazkur holat yuzasidan Karmana tumani IIB tergov bo‘limi tomonidan tergovga qadar surishtiruv harakatlari olib borilmoqda.
Bundan avval Namanganda yo‘ldan o‘tayotgan maktab o‘quvchilarini bosib ketishiga bir baxya qolgan Lacetti haydovchisi jarimaga tortilgani, Toshkentda beshta avtomobil ishtirokida YTH sodir bo‘lgani hamda Qoraqalpog‘istonda Cobalt yo‘l chetidagi betonga urilishi oqibatida mashina haydovchisi vafot etgani haqida xabar berilgandi.
Izoh (0)