Mashhur xonandalar karyerasini boshlaganidan buyon qanchalik o‘zgarganiga to‘xtalib o‘tamiz.
Britni Spirs
Britniga muxlislik qilmagan odam ham uning shaxsiy hayotidagi muammolardan keyin depressiyaga tushgani, muxlislari esa Kevin Federlaynning xiyonatidan keyin ajrashgani, sochini kalga oldirib tashlagani, zararli odatlari va onalik huquqidan mahrum qilingani haqida yaxshi biladi.
Oradan yillar o‘tganiga qaramay, uning hayotini iziga tushib ketgan deb bo‘lmaydi. Instagram kuzatuvchilari uni otasidan qutilishga urinayotganiga guvoh bo‘lib keladi.
Kristina Agilera
Britni bilan bir vaqtda ijod qilgan, hatto uning asosiy raqibi bo‘lgan Agilera karyerasini boshlaganidan buyon bir necha marta imijini o‘zgartirgan.
Yillar o‘tishiga qaramay, xonanda kiyinish uslubi va soch turmagi bilan eksperiment qilishdan to‘xtamaydi.
Rianna
Jey Zining qo‘llab-quvvatlashi bilan 2005-yilda karyerasini boshlagan Rianna o‘zining mahorati va iste’dodi bilan millionlab muxlislar qalbidan joy olishga ulgurgan. Imijini zamonga mos o‘zgartirgani va bir-biridan xit qo‘shiqlari esa uning yanada mashhurlikka erishishiga sababchi bo‘lgan.
So‘nggi marta bundan 5 yil avval albom taqdim qilgan xonanda ayni vaqtda ham ijod qilishdan to‘xtagani yo‘q.
Mayli Sayrus
“Xanna Montana” myuziklining yulduzi ham muxlislar ko‘z o‘ngida sezilarli darajada o‘zgargan. Ammo u Riannadan farqli o‘laroq asta-sekin o‘zgarishga emas, keskin burilish qilishga qaror qilgan. 2013-yilning 19-iyunida “We can’t stop” klipi taqdim qilingan.
Unda qizil pomada surtib, dollarlar bilan namoyon bo‘lgan xonanda Sayrus ekanligiga ishonish qiyin bo‘lgan.
Alsu
1998-yil 15 yoshida karyerasini boshlagan Alsu “Qishki uyqu” singili bilan maktab o‘quvchilari orasida mashhurlikka erishgan. Birinchi sevgi, bahor, yoshlik haqidagi qo‘shiqlar kliplaridagidek obrazini bugungi kunda takrorlamaydigan qo‘shiqchi 2006-yilda turmushga chiqqan.
Farzandlari tarbiyasiga o‘zini bag‘ishlagani uchun vaqtincha ijodiy tanaffus qilgan Alsu ayni vaqtda karyerasini davom ettirmoqda.
Avril Lavin
Debyut “Let Go” nomli albomini 2002-yilda taqdim qilgan Avril hammadek bo‘lishni istamaganini bir emas, bir necha marta ta’kidlagan. Bo‘yinbog‘, qalin bilakuzuk taqib, sochini tekis yoygan holdagi obrazlari darhaqiqat uni boshqalardan ajratib turgan.
Ammo bugungi kungacha uning imiji bir necha marta o‘zgargan. “Nickelback” guruhi solistiga qora libosda turmushga chiqqaniga qaramay, keyinchalik ayollarga xos maftunkor makiyaj va soch turmagida ham ommaga ko‘rinish bergan.
Maksim
Ikki nafar farzandi borligiga qaramay, Maksimning kiyinish uslubi va ko‘rinishi haligacha o‘zgargani yo‘q.
Unga nazar tashlab, karyerasini boshlagan paytidek maktab bitiruvchisi obrazini tark eta olmayotganini bilish mumkin. Avvalgidek faol emasligiga qaramay, u tomonidan kuylangan qo‘shiqlar hali hamon xit.
Nikol Sherzinger
Nikolning ko‘rinishiga nazar tashlab, o‘tgan yillar uning ko‘rinishiga ta’sir qilmagan deb o‘ylash mumkin. Xonanda “Pussycat Dolls” guruhidagi ishtiroki vaqtidan sezilarli darajada o‘zgarmagan.
Ammo kiyinish uslubi va libos borasidagi tanlovi avvalgidek emas.
Keti Perri
Bugungi kunda ancha sipo kiyim va soch turmaklari bilan ko‘rinish beradigan xonanda karyerasining boshida tamoman boshqacha bo‘lgan.
Muxlislari uni qop-qora bo‘yalgan ko‘zlar, erkaklarnikiga o‘xshash kalta soch turmagi va hozirgidan tamoman farq qiladigan liboslari bilan yaxshi eslaydi.
Izoh (0)