Zamonaviylik standarti: Google natijalariga ko‘ra eng chiroyli hind aktrisalari (foto)

Bollivud olami eng go‘zal aktrisalarga boy. Ammo ayollarni chiroyli yoki yoqimsiz deyishning o‘zi to‘g‘ri bo‘lmaydi. Chunki yer yuzidagi barcha ayol o‘ziga xos go‘zallikka ega. Dunyoga mashhur Google kompaniyasi zamonaviy Bollivudning eng jozibali ayollari nomini e’lon qildi. Natijalarga ko‘ra, Bollivudning deyarli barcha aktrisasi foydalanuvchilar tomonidan ko‘p marotaba izlangan.

Ayshvariya Ray 

1994-yil “Dunyo go‘zali” sovrindori Ayshvariya sayyoradagi eng go‘zal va jozibali ayollar ro‘yxatiga kiritilgan. Aktrisaning ismi ham aynan “go‘zallik” so‘zi bilan sinonimdir. Ayshvariya qirqdan ortiq filmda hind, telugu, tamil va bengal tilida, shuningdek, Gollivudda ham rol ijro etgan. O‘z faoliyatini modellikdan boshlagan aktrisa mahorati va nozik raqslari bilan millionlab tomoshabinlar qalbini zabt eta olgan.

Dipika Padukone

Yana bir go‘zal malika − Dipika 2020-yilda dunyoning eng go‘zal ayollaridan, shuningdek, eng ko‘p haq to‘lanadigan aktrisalardan biri sifatida tan olingan. Aktrisani bugunda “orzudagi ayol” deb bilishadi. Bundan tashqari, Dipika nafaqat Bollivud, balki Gollivuddagi faoliyati ham ko‘pchilikka ma’lum. U o‘zining “Yasha, tabassum qil, sev” deb nomlangan brendi hamda fondiga ega. Unga ko‘ra, fond depressiyaga chalingan odamlarga yordam beradi va Hindistonda ruhiy salomatlik borasida bilimlar ulashadi.

Aliya Bxatt 

Aliya endigina 28 yoshda. Ammo u muvaffaqiyatli aktrisalardan biriga aylanishga ulgurgan. Aliya 1993-yil 15-mart kuni rejissor va prodyuser Maxesh Bxatt va aktrisa Soni Razdan oilasida tug‘ilgan. 2014-yildan buyon aktrisa “Yilning eng jozibali va zamonaviy yulduzi” sifatida turli xil mukofotlarga loyiq ko‘rilmoqda.

Kriti Senon

Kriti Senon − professional model va zamonaviy hind kinematografiyasining eng chiroyli aktrisalaridan biri. Janubiy hind aktrisasi o‘z karyerasini “Bir” psixologik trilleridan boshlagan.

Priyanka Chopra 

2000-yil “Dunyo go‘zali” mukofoti sohibasiga aylangan. Hozirda esa eng muvaffaqiyatli hamda iste’dodli aktrisalardan biriga aylangan. Dastlab Priyanka aviatsiya texnologiyasi bilan shug‘ullanishni xohlagan, ammo kino olamiga kirgach katta yutuqlarga erishmoqda. Time jurnali aktrisani dunyodagi eng kuchli 100 ayol qatoriga kiritgan.

Disha Patani

Ilk bora 2015-yilda Cadbury Diary Milk suti reklamasida ko‘rinish bergan Disha tez orada filmlarda ishtirok etib, tomoshabinlar qalbini zabt etdi. U Uttar-Pradesh shtatining Bareyli shahrida tug‘ilgan. Aktrisa Lakxnau universitetining kompyuter fanlari va muhandisligi bo‘yicha bakalavr diplomiga ega. Disha Celvin Klein brendining elchisi bo‘lgan yagona hindistonlik yulduzdir. Google ma’lumotlariga ko‘ra, Disha muntazam ravishda internetdagi eng chiroyli va ko‘p qidirilgan taniqli shaxslar ro‘yxatiga kiritilgan.