Qohirada fir’avnlar mumiyolari tantanali tarzda boshqa muzeyga ko‘chirib o‘tkazildi (foto va video)

Misr fir’avnlari mumiyolarini ko‘chirib o‘tkazishga bag‘ishlangan tantanali marosim Misr poytaxti Qohirada bo‘lib o‘tdi, deb yozadi “Interfaks”.

18 fir’avn va to‘rt malikaning mumiyolari Qohiradagi Misr muzeyidan Misr sivilizatsiyasi milliy muzeyiga ko‘chirib o‘tkazildi. Mumiyolar xronologik tartibda — 17-sulola hukmdori Sekenenre Taa II dan boshlab Ramzes IX gacha — birma-bir olib o‘tildi.

Pandemiya sababli ochiq osmon ostida tadbirlar o‘tkazish cheklovlari  olib tashlangan edi. Tashkilotchilar tomonidan “Fir’avnlarning oltin paradi” deb nomlangan muhtasham marosim 3-aprel kuni Qohira vaqti bilan 20:00 da (Toshkent vaqti bilan 23:00) boshlandi. Har bitta mumiyo bezatilgan va maxsus amortizatorlar o‘rnatilgan alohida avtomobillarga joylashtirildi, kortejga esa ot qo‘shilgan ikki g‘ildirakli harbiy aravalarning nusxalari hamrohlik qildi.

Ko‘chirib o‘tkazish vaqtida mumiyolar azot bilan to‘ldirilgan maxsus idishlarga solindi. Bunday usul mumiyolarni tashqi vayronkor omillardan himoya qilishga yordam beradi.

Yangi eksponatlar 18-apreldan omma e’tiboriga havola etiladi. Misr sivilizatsiyasi milliy muzeyi zali Luksordagi Shohlar vodiysi ko‘rinishida bezatilgan.

Bundan tashqari, kelasi yil Gizadagi piramidalar yaqinida yangi Katta Misr muzeyi ochilishi kerak, u yerda Tutanxamonning mashhur kolleksiyasi saqlanadi.

[ 03.04.21 ]

The transfer of Egyptian mummies from the Egyptian Museum to the Museum of Egyptian Civilization in a luxurious procession, befitting the splendor of Egypt's history 🇪🇬💜#موكب_المومياوات_الملكية#ThePharaohsGoldenParade@BTS_twt

pic.twitter.com/cU14buKIIu

— Lora🥀✨️ (@lor_ji7) April 3, 2021

President Abdel Fattah El Sisi is heading to welcome the 22 Royal mummies#Egypt #AncientEgypt #History #Egyptology #Pharaoh #thePharoahsGoldenParade | #موكب_المومياوات_الملكية #المتحف_المصري #السيسي pic.twitter.com/K8xrP0U3IS

— Egypt Forward (@egyptfwd) April 3, 2021

🇪🇬 بداية تحرك #موكب_المومياوات_الملكية من المتحف المصري بالتحرير 🇪🇬 #ON pic.twitter.com/7N080OARXb

— ON (@ONTVEgy) April 3, 2021

https://twitter.com/SENCERBEY_/status/1378437730158456844