2021-yilning 5-aprel kuni O‘zbekistonga Eron tashqi ishlar vaziri Muhammad Javod Zarif boshchiligidagi delegatsiya tashrif buyuradi. Bu haqda O‘zbekiston TIV matbuot xizmati xabar berdi.
Bo‘lajak uchrashuv va muzokaralar davomida siyosiy, savdo-iqtisodiy, investitsiyaviy, transport-logistika va boshqa sohalardagi O‘zbekiston—Eron aloqalarining hozirgi holati va rivojlanish istiqbollarini muhokama qilish rejalashtirilgan.
Tomonlarni qiziqtirgan mintaqaviy va xalqaro masalalar bo‘yicha ham fikr almashiladi.
Eslatib o‘tamiz, 2017-yilning oktabrida Abdulaziz Komilov va Javod Zarif O‘zbekiston va Eron TIVlari o‘rtasidagi Hamkorlik dasturini imzolagan edi. 2018-yilning fevralida Tehronga amalga oshirilgan tashrif davomida O‘zbekiston tashqi ishlar vaziri Eron TIV rahbari bilan BMT, ShHT va boshqa xalqaro tashkilotlar doirasida hamkorlik qilish masalalarini muhokama qilgandi.
Izoh (0)