Yaponiyada sakura so‘nggi 1200 yil ichida birinchi bor har doimgidan erta gulladi

Yaponiyada sakura daraxti so‘nggi 1200 yil ichida birinchi bor har doimgidan ertaroq gullashni boshladi, deb xabar beradi Harper’s Bazaar nashri.

Odatda daraxt aprel o‘rtalarida gullay boshlaydi, biroq 2021-yilda mart oxirga borib kurtaklar to‘liq ochilgan. Yapon olimlarining ma’lum qilishicha, bu iqlim o‘zgarishi va global isish jarayoniga bog‘liq. Sakuraning gullashi bo‘yicha bundan oldingi rekordlar Kiotoda 1409-yilda, Tokioda — 1953-yilda qayd etilgan.

Daraxtning ilk kurtaklari 11-martdayoq ochilgan — o‘shanda bu haqda Xirosima prefekturasi hukumati ma’lum qilgandi. Olimlarning fikricha, sakuraning erta gullashi 1970-yillardan buyon kuzatilmoqda va bu dunyo bo‘ylab global isish jarayoni davom etayotganida dalolat beradi.