O‘zbekiston

O‘zbekistonda boshlangan vaksinatsiya, maoshidan norozi shifokorlar, Birinchi raqamli bortdagi prezident. 1-aprel suratlari

Dunyo va O‘zbekistonda 1-aprel kuni olingan eng sara suratlarni namoyish qilamiz.

67 yoshli nafaqaxo‘r Zavqinmurod Abdullayev Mirzo Ulug‘bek tumanidagi 5-sonli oilaviy poliklinikada ZF-UZ-VAC 2001 vaksinasini olgach yarim soatlik nazoratda o‘tiribdi. 1-apreldan O‘zbekistonda aholini koronavirusga qarshi emlash <a href= — 67 yoshli nafaqaxo‘r Zavqinmurod Abdullayev Mirzo Ulug‘bek tumanidagi 5-sonli oilaviy poliklinikada ZF-UZ-VAC 2001 vaksinasini olgach yarim soatlik nazoratda o‘tiribdi. 1-apreldan O‘zbekistonda aholini koronavirusga qarshi emlash boshlandi. Bir kun ichida 5018 kishi vaksina oldi.

Mavzuga doir: O‘zbekistonda uch oy ichida 4 mln kishi koronavirusga qarshi emlanadi

Pekinda o‘tkazilayotgan moda haftaligida smartfoni ekraniga qarayotgan tomoshabinlar.

Islandiyadagi vulqondan lava otilishini tomosha qilayotgan odamlar. Islandiyaning janubi-g‘arbiy qismidagi Reykyanes yarimorolida 19-mart kuni olti ming yil uxlagan Fagradalsfyadl vulqoni otildi. Vulqon mamlakat poytaxti Reykyavikdan taxminan 30 kilometr uzoqlikda joylashgan. Islandiya meteorologiya idorasi ma’lumotlariga ko‘ra, vulqon aholi va infratuzilma uchun xavf tug‘dirmaydi.

Mavzuga doir: Harakatga kelgan vulqon yaqinida xotirjamlik bilan voleybol o‘ynayotgan islandiyaliklar (video)

Londondagi bog‘da o‘rindiqqa chiqib olgan saqoqush.

Kaliforniyaga kelgan mehmonlar Wienermobile (Oscar Mayer mahsulotlarini Qo‘shma Shtatlarda reklama qilish uchun foydalaniladigan bulochka ustidagi sosiska ko‘rinishidagi mashina) yonida suratga tushmoqda.

Hindistonning Assam shtatida o‘tkazilayotgan saylovda saylovchilar o‘z navbati kelishini poylamoqda. Erkaklar bir tomonda, ayollar boshqa qatorda navbatda turibdi.

Mavzuga doir: Pandemiyaga qaramay Hindiston ko‘chalarida ko‘tarinki ruhda o‘tkazilayotgan Holi bayrami — suratlarda

Myanmaning Mandalay shahrida tunda sodir bo‘lgan yong‘in oqibatida 100 dan ortiq uylar yonib ketdi. Odamlar yong‘indan so‘ng qolgan vayronalarni ko‘zdan kechirmoqda. Fevral oyida mamlakatda <a href= — Myanmaning Mandalay shahrida tunda sodir bo‘lgan yong‘in oqibatida 100 dan ortiq uylar yonib ketdi. Odamlar yong‘indan so‘ng qolgan vayronalarni ko‘zdan kechirmoqda. Fevral oyida mamlakatda yuz bergan harbiy to‘ntarishdan so‘ng namoyishlar hali ham davom etmoqda.

Meksikadagi Oxo-de-Libre qo‘ltig‘ida kuzatuv qayig‘i ostida suzib yurgan kulrang kitlar.

Italiyaning Ankona shahrida operatsiyadan chiqqan yetti oylik bolani hamshira tinchlantirmoqda. COVID-19 cheklovlari sabab bolaning ota-onasi uning oldiga kira olmaydi.

Myanmaning Yangon shahrida namoyishchilar konstitutsiya kitobini yoqmoqda. Harbiy hukumatga qarshilar 2008-yilgi konstitutsiyani qonuniy kuchga ega emas deb e’lon qildi.

Mavzuga doir: Myanmada norozilik namoyishlari chog‘ida bir kunda 100 dan ortiq odam o‘ldirildi. Qurbonlar orasida bolalar ham bor

31-mart kuni kechasi va tunda Toshkent shahrida bir necha soat yomg‘ir yog‘di. 1-aprel kuni tongda esa ochiq ob-havoni kuzatish mumkin edi. Suratda shahardagi Markaz-1 dahasidagi turar joylar ichida qurilayotgan yangi ko‘pqavatli uylar aksi ko‘rinib turgan ko‘lmak hamda chiqindixonadan shamol uchirib kelgan shar.

Rim Papasi Fransisk Avliyo Pyotr bazilikasida muqaddas yog‘ solingan amforaga puflamoqda. Shu yo‘l bilan pontifik yil davomida farmoyishlarni imzolash uchun ishlatiladigan yog‘ning ramziy miqdoriga baraka beradi.

Rossiyalik Daniil Medvedev Floridada o‘tkazilgan Miami Open turnirida ispaniyalik Roberto Batista Agutga qarshi o‘yinda mag‘lubiyatga uchraganidan so‘ng raketkani sindirib tashladi.

Toshkent shahrining Mustaqillik ko‘chasi, Hamid Olimjon maydonidagi eski 16 qavatli uylar ortidan mo‘ralab turgan yangi qurilayotgan turar joy majmualari.

AQSh prezidenti Jo Bayden Pittsburgga infratuzilma haqida nutq so‘zlash maqsadida safar qilish uchun Birinchi raqamli bortga chiqmoqda.

Mavzuga doir: AQSh tashkilotlari Baydenni Putin bilan konstruktiv muzokaralar olib borishga chaqirdi

Janubiy Koreyada 75 yoshdan oshganlarni Pfizer-BioNTech vaksinasi bilan emlash boshlandi. Vaksinatsiya jarayonlari shifoxonalardan boshqa binolarda, masalan, sport zallarida ham tashkil qilingan.

Kuchli yomg‘ir oqibatida ikkiga bo‘linib ketgan Samarqandning Paxtachi tumanidagi Mirkan ko‘prigini ta’mirlash ishlari ketmoqda. Ko‘prik beton to‘siq bilan to‘sib qo‘yilgan. Betonda “A+D+A=Do‘st” deb yozib qo‘yilganini ko‘rish mumkin.

Mavzuga doir: Paxtachida sel buzib yuborgan “yap-yangi qurilgan” ko‘prik aslida 50 yillik eski ko‘prik ekani ma’lum qilindi

Tadqiqotchilar oq ayiqlar populyatsiyasini kuzatish va iqlim o‘zgarishining ularga ta’sirini baholash uchun Rossiyadagi ekspeditsiyada.

Chirchiq daryosi ustidagi ko‘prikdan o‘tib, Oqtosh qishlog‘i tomon ketayotgan mashinalar.

Zak va Layam ismli bolalar Melburnda T-Rex Lego modeli ostida suratga tushmoqda.

Mavzuga doir: Lego 2020-yilni pandemiya sharoitida rekord darajadagi daromad bilan yakunladi

Mumbayda COVID-19 koronavirusidan ogoh qilish maqsadida devorga chizilgan niqob taqqan Gollivud aktrisasi Merilin Monro va Ozodlik haykali surati oldidan o‘tayotgan niqobdagi erkak.

Koronavirusga qarshi emlangan namanganlik otaxon shifokorlarni duo qilmoqda. O‘zbekistonda vaksinatsiyaning birinchi kunida Namangan viloyatida 200 dan ortiq odam emlandi.

Mavzuga doir: O‘zbekistonda to‘liq emlash kursini tamomlagan fuqarolarga QR-kodli sertifikat beriladi

Tailandda tana o‘lchamini nazoratdan o‘tkazayotgan erkak.

Londondagi Avliyo Tomas shifoxonasi oldida tibbiyot xodimlari maoshlari 15 foizga oshirilishini talab qilib namoyish o‘tkazmoqda. Britaniya Sog‘liqni saqlash vazirligi tibbiyot xodimlarining maoshini 1 foizga oshirishni tavsiya qilgan. Shifokorlar ko‘tarib olgan plakatda ular 1 foizdan ko‘prog‘iga loyiqligi yozilgan.

Kaliforniyaning Orinj okrugida otishma yuz bergan ofis binolari joylashgan yo‘lning narigi betida yangilik kutayotgan odamlar. Hodisa oqibatida 4 kishi, jumladan, bir nafar yosh bola halok bo‘lgan. Bu so‘nggi 2 hafta ichida AQShda yuz bergan uchinchi ommaviy qotillik bo‘ldi.

Seul shahri meri lavozimi uchun muddatidan oldin o‘tkaziladigan saylov arafasida saylov uchastkalarida tayyorgarlik jarayonlari davom etmoqda. Janubiy Koreya poytaxtining avvalgi meri 2020-yil iyulida o‘z joniga qasd qilgandi.

Polshada kamera qarshisida in qurgan laylaklar. Aftidan ular vloger bo‘lsa kerak :)

Avvalgi kunlarning fotogalereyalari:

01.04.2021, 23:58 Izoh (0) 44506

Izoh (0)

Javob qoldiring

Mavzuga doir

O‘zbekistonda vaksinatsiyaning birinchi kunida qancha fuqaro emlangani ma’lum qilindi

01.04.2021, 23:58

Paxtachida sel buzib yuborgan “yap-yangi qurilgan” ko‘prik aslida 50 yillik eski ko‘prik ekani ma’lum qilindi

01.04.2021, 23:46

Erkinjon Turdimov: “Samarqand millionli shahar bo‘ladi”

01.04.2021, 23:22

Namanganda 200 nafardan ortiq odam koronavirusga qarshi emlandi. Ular safida 87 yoshli otaxon ham bor

01.04.2021, 23:10

Shavkat Mirziyoyev sog‘liqni saqlash tizimini tashkil etishning Sirdaryo modelini barcha hududlarda joriy etish bo‘yicha ko‘rsatma berdi

01.04.2021, 22:57

“Hech qayerni yopmaymiz, lekin tartib-intizomni kuchaytiramiz”. Shavkat Mirziyoyev mamlakat qattiq karantinga qaytmasligini ma’lum qildi

01.04.2021, 22:45

Daryo.uz | Sizning muammoingiz yechimi

Oqtepa Lavashdan “Kulgili narxlar”: sevimli taomlar — har bir pozitsiya 10 mingdan 20 ming so‘mgacha bo‘lgan maxsus narxlarda

BASHKENT turar joy majmuasida 1 iyun – Bolalarni himoya qilish kuniga bag‘ishlangan mental arifmetika bo‘yicha Chempionat bo‘lib o‘tadi!

Centrum Air Istanbul va O‘zbekistonning uch shahri o‘rtasida to‘g‘ridan-to‘g‘ri reyslarni yo‘lga qo‘ymoqda

Huawei Cloud TechWave Summit 2025: Yaqin Sharq va Markaziy Osiyoda muvaffaqiyatni oshirish uchun intellektuallikni tezlashtirish

ZTE korxonasi GSMA M360 Yevrosiyo forumida suniy intellekt raqamli iqtisodiyot rivojiga qo'shayotgan hissasi haqida ma’lumot berdi

Eng chuqur g‘or, eng baland ko‘prik va eng sirli maskan – Namanganga boramiz

Kapitalbank xodimlarining raqamli ko‘nikmalarini rivojlantirmoqda

AKFA Medline University Hospital AHA rasmiy o‘quv markazi maqomini qo‘lga kiritdi

ANORBANK Xususiy sektorni rivojlantirish bo‘yicha Islom korporatsiyasi bilan 10 million AQSH dollariga teng kelishuv imzoladi

Tarmoqda bolalar xavfsizligi : Octobankdan maslahatlar

Jamg‘armalar bilan qanday ishlash zarur: bank omonatlari, aksiyalar yoki investitsion paketlar? (davomi)

APEX BANK Toshkentda Bosh ofis va Markaziy sotuv ofisini ochdi

TBC Uzbekistan o‘zining sun’iy intellektga asoslangan yechimlari orqali samaradorlikni oshirib, o‘sish sur’atlarini tezlashtirmoqda

Huawei O‘zbekistondagi “Tech Carnival”da Intellektual dunyo rivojini jadallashtirmoqda

Mobiuz IQAir havo sifati datchigini o‘rnatdi