Otabek Shukurov homiyligida Qarshida yarim mln dollarlik bolalar bog‘chasi ochildi

BAAning “Sharja” klubi va O‘zbekiston terma jamoasi yarim himoyachisi Otabek Shukurov homiyligida Qarshi shahrida bog‘cha barpo etildi. Bu haqda “Nasaf News” xabar qilmoqda.

“Chicco 29” nomli davlat xususiy sherikchilik asosidagi nodavlat maktabgacha ta’lim muassasasini qurish uchun futbolchi tomonidan 500 ming dollar ajratilgan.

30-mart kuni bolalar bog‘chasining ochilish marosimi bo‘lib o‘tdi. Unda Shukurovning o‘zi, Qashqadaryo viloyati hokimi Zoyir Mirzayev, “Nasaf” futbol klubi bosh murabbiyi Ro‘ziqul Berdiyev va “Yurak amri” loyihasi rahbari Sardor Rahimxon qatnashgan.