O‘zbekiston hududida uzunligi bo‘yicha 3-o‘rinda turuvchi daryo o‘zanidagi qumlarda oltin zarralari bo‘lgani tufayli XVIII asrdan boshlab daryo Zarafshon (oltin sochuvchi), deya atala boshlagan. Po‘stak yoki uzun patli gilam ustiga qum to‘kib, bosim bilan yuvganda oltin zarralari jun oralarida qolgan. Shu yo‘l bilan qumdan oltin ajratib olingan. Hozir esa ushbu nom tilga olinganda nafaqat butun boshli daryo, vodiy yoki shahar, balki qariyb 25 yillik tarixga ega Zarafshan Golden Group kompaniyasi ham tushuniladi.
1996-yilda Zarafshon shahrida faoliyatini boshlagan kompaniya o‘z oldiga yuqori sifatli mahsulotlar ishlab chiqarish orqali Zarafshan Golden Group milliy brendini xalqaro bozorga olib chiqish vazifasini qo‘ygan. Kompaniya eng zamonaviy hamda sifatli uy-joy va ijtimoiy obyektlar qurish, trikotaj, issiqxona, chorvachilik faoliyatini yurgizish, qishloq xo‘jaligi mahsulotlarini ishlab chiqarish, mehmonxona va restoran xizmatlarini ko‘rsatish bilan shug‘ullanadi.
Kompaniya tarkibidagi jami 20 dan ortiq mustaqil korxonalarda ikki mingdan ziyod xodim ish bilan ta’minlangan. Qurilish sohasi kompaniyaning asosiy faoliyat yo‘nalishi bo‘lib, bugungi kunda yurtimiz bo‘ylab 30 dan ziyod turar-joy majmualari qurib foydalanishga topshirilgan.
Kompaniya tarixi
1996-yilda Fayziyev Ulug‘bek G‘aniyevich tashabbusi bilan “Fayz” xususiy korxonasi tashkil etilib, 6 kishidan iborat jamoa o‘z faoliyatini boshlagan bo‘lsa, bugungi kunda kompaniyada 2000 dan ziyod yurtdoshlar mehnat qiladi. Shundan qariyb 1000 nafari doimiy ishchilar bo‘lsa, qolgan 1000 nafardan ziyodi mavsumiy va subpudrat korxonalari ishchilaridir.
Kompaniya tomonidan 2019-yilda 500 ta xonadondan iborat turar-joy majmualari, 2020-yilda esa jami 801 ta xonadondan iborat turar-joy binolari qurib foydalanishga topshirildi.
Kompaniya ishlab chiqarish va xizmat ko‘rsatish sohalarida quyidagi ko‘rsatkichlarga ega:
Navoiy va Zarafshon shaharlarida tashkil etilgan ohak ishlab chiqarish zavodlarining xodimlari soni 60 kishini, ishlab chiqarishning yillik quvvati esa 31 000 tonnani tashkil etadi. Mahsulotlari asosan mahalliy bozorga, korxonaning qurilish obyektlariga va Qozog‘iston Respublikasiga eksport qilinadi.
Xuddi shu shaharlarda tashkil etilgan tosh maydalash zavodida 100 ga yaqin ishchilar faoliyat yuritadi. Qayta ishlangan tog‘ minerallari yiliga 140 ming metr kubni tashkil etadi. Mahsulotlar asosan korxonaning ishlab chiqarish va qurilishga bo‘lgan ehtiyojlariga va viloyat korxonalariga yetkazilib beriladi.
Zarafshon shahrida joylashgan g‘isht zavodi 2008-yilda tashkil etilgan va bugungi kunda zavodda 160 nafar ishchi mehnat qiladi. Yillik quvvati 10 million donani tashkil qiluvchi zavod olovga chidamli g‘ishtlari bilan bozorda o‘z o‘rniga ega. 2020-yildan mahsulotlar Qozog‘iston Respublikasiga eksport qilinmoqda.
2019-yilda Zarafshon shahrida o‘z faoliyatini boshlagan tuzni qayta ishlash zavodining yillik quvvati 42 000 tonna bo‘lib, unda 35 nafar xodim faoliyat yuritadi. Hozirda zavod yodlangan osh tuzi va sanoat korxonalari uchun zarur bo‘lgan texnik tuzni yetkazib bermoqda.
Bugungi kunda kompaniya o‘z avtoparkiga ega bo‘lib, ushbu avtoparkda 130 ta zamonaviy yuk transport vositalari va maxsus texnikalar mavjud. Ushbu transport vositalari tog‘ va cho‘l hududlarida ishlash imkoniyatini beradi. Kompaniya tarkibida mebel ishlab chiqarish, plastik eshik va romlar ishlab chiqarish, turli xil qurilish qorishmalari ishlab chiqarish sexlari faoliyati ham yo‘lga qo‘yilgan. Ularda 30 dan ziyod xodim mehnat qiladi.
Bugungi kunda Navoiy viloyatida ikkita Zarafshan Grand Hotel mehmonxonalari va ular qoshidagi restoranlar faoliyat yuritmoqda. Navoiy shahrida joylashgan mehmonxona bir vaqtning o‘zida 110 nafar, Karmana tumanida joylashgan mehmonxona esa 120 nafar mehmonni qabul qilishga mo‘ljallangan.
2018-yilda Qiziltepa tumani Toshrabot qishlog‘ida 400 o‘rinli tekstil fabrikasi qurib foydalanishga topshirilishi natijasida yangi ish o‘rinlari yaratilishi bilan birga, ishlab chiqarilgan mahsulotlarning aksariyati eksportga chiqarilishi ta’minlanmoqda.
Qiziltepa tumanida loyiha qiymati 12 milliard so‘mni tashkil etuvchi 500 o‘rinli “G‘oridevon tekstil” fabrikasi to‘liq jihozlanib, ishga tushirilish arafasida. Hozirda xotin-qizlarni tikuvchilik sohasida bilim olishi uchun o‘quv kurslari tashkil qilingan va ular o‘z ishlarini boshlashga tayyor. Qolaversa, qo‘shimcha tarzda 100 nafar shu hududda yashovchi ishsiz, “Temir daftar”ga kiritilgan xotin-qizlar ishga olinadi.
Kompaniya tomonidan Karmana tumanida Turkiya va Gollandiya texnologiyalari asosida jami loyiha qiymati 15,6 million AQSh dollarini tashkil etuvchi (shundan 12,6 million AQSh dollari bank krediti) 14,5 gektar yer maydonida zamonaviy issiqxonalar qurish loyihasi amalga oshirilgan. 2019-yilda birinchi bosqichda ishga tushirilgan gidroponika usuli bilan pomidor yetishtirishga mo‘ljallangan 3,5 gektar yer maydonidagi zamonaviy issiqxona majmuasida yetishtirilgan mahsulotning aksariyati xorijga eksport qilinmoqda.
1 gektar yer maydonida issiqxona ko‘chatlari yetishtirishga mo‘ljallangan shishali issiqxona qurilish ishlari yakunlanib, uning foydalanishga topshirilishi natijasida Samarqand, Navoiy va Buxoro viloyatlari issiqxonalarini pomidor, bodring, bulg‘or qalampiri, baqlajon va boshqa turdagi ko‘chatlar bilan ta’minlash imkoni paydo bo‘ldi.
Qurilish ishlari yakuniga yetayotgan 10 gektar yer maydonida tashkil etilayotgan zamonaviy shisha issiqxona ham yaqin kunlarda foydalanishga topshirilishi natijasida jami 250 ta yangi ish o‘rni yaratilib, gidroponika usuli bilan pomidor, bodring, bulg‘or qalampiri yetishtiriladi.
Kompaniya tomonidan Navoiy shahrining Tinchlik qo‘rg‘onida joylashgan binolarda xitoylik hamkorlar bilan umumiy qiymati 5 500 000,00 AQSh dollarini tashkil etuvchi tegirmon sharlari ishlab chiqaruvchi zavod loyihasi amalga oshirilayotgan bo‘lib, loyihani amalga oshirish uchun kompaniya 3 300 000,00 AQSh dollari miqdorida to‘g‘ridan-to‘g‘ri xorijiy investitsiyalarni jalb qilmoqda. Joriy yilning to‘rtinchi choragida foydalanishga topshirilishi rejalashtirilgan zavodda 50 ta yangi ish o‘rinlari yaratiladi.
Kompaniya ta’sischiligida tashkil etilgan “Zarafshon Buildings” MChJ O‘zbekistonda ko‘chmas mulk sohasida faol ish olib boruvchi developerlik kompaniyasi hisoblanadi. Kompaniya faoliyatining asosiy yo‘nalishi – ko‘p xonadonli uylar qurish va ijtimoiy infratuzilmani o‘z ichiga oluvchi turar joy loyihalarini rivojlantirish. Turar joy majmualari individual me’moriy konsepsiya bo‘yicha quriladi va turli daromadga ega keng auditoriya uchun mo‘ljallanadi.
O‘zbekiston Respublikasi Prezidentining “O‘zbekiston Respublikasining 2021–2023-yillarga mo‘ljallangan investitsiya dasturini amalga oshirish chora-tadbirlari to‘g‘risida”gi 2020-yil 28-dekabrdagi qaroriga asosan, poytaxtimizning Yakkasaroy tumanida Zarafshan City zamonaviy ko‘p qavatli turar-joy binolari va mehmonxona kompleksi qurish investitsion loyihasi jahon standartlari bo‘yicha amalga oshirilmoqda.
Ijtimoiy loyihalar
Navoiy shahrining “Yoshlik” MFY hududida qurilgan 150 o‘rinli nodavlat maktabgacha ta’lim muassasasi joriy yilning uchinchi choragida foydalanishga topshirilishi rejalashtirilgan. To‘liq jihozlangan xonalar, cho‘milish havzasi, sport maydonchasi hamda o‘yingohlar zamonaviy kompleks asosida bolajonlar ixtiyoriga topshiriladi.
Kompaniya tomonidan 2020-yil davomida umumiy qiymati qariyb 800 million so‘mlik homiylik ishlari amalga oshirilgan bo‘lsa, joriy yilning o‘tgan davrida ushbu maqsadlarda sarflangan mablag‘lar 700 million so‘mni tashkil etmoqda.
Kompaniya koronavirusga qarshi kurashish uchun “Mehr-shavqat va salomatlik” jamoat fondi, Homiylik xayriyalarini muvofiqlashtirish markazi, “Saxovat va ko‘mak” umumxalq harakatiga o‘z hissasini qo‘shdi. Yaqinda viloyatning olis cho‘l hududi – Tomdi tumanida kompaniya homiyligida, 350 million so‘m mablag‘lar sarflanib, foydalanishga topshirilgan “Iste’molchilar uyi” keng jamoatchilik tomonidan katta xursandchilik bilan qarshi olindi.
Telegram: Zarafshan Golden Group
Murojaat uchun telefonlar:
+99878 770 20 20+99895 198 55 54
Reklama huquqi asosida.
Izoh (0)