Samarqanddagi xonadonlarning birida vaqtincha yashagan 4 kishi is gazidan zaharlanib vafot etdi. Bu haqda viloyat prokuraturasiga tayanib, “Xalq so‘zi online” xabar berdi.
Ma’lum qilinishicha, 28-mart kuni soat, taxminan, 11:00 larda Samarqand shahri “Maqsud Shayxzoda” MFY Laxutiy ko‘chasi 31-uyda vaqtincha yashovchi 5 nafar fuqaro xonadonda o‘rnatilgan isitish pechi (golland pechi)dan is gazi ajralib chiqishi natijasida zaharlangan.
Oqibatda 4 nafar fuqaro vafot etib, 1 nafari esa kuchli zaharlanish alomatlari bilan Respublika shoshilinch tibbiy yordam ilmiy markazi Samarqand filialiga yotqizilgan.
Mazkur holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.
Avvalroq Xorazmdagi choyxonada bir oilaning uch a’zosi is gazidan zaharlanib vafot etgani, Kattaqo‘rg‘onda is gazidan oilaviy zaharlanish oqibatida uch nafar bola halok bo‘lgani hamda Sirdaryoda er-xotin is gazidan zaharlanish oqibatida vafot etgani haqida xabar berilgandi.
Izoh (0)