Internetda Bahrayndagi omborlardan birida olingan surat tarqaldi. Surat muallifi bobosining garajidan Amerika klassik avtomobillarining butun boshli kolleksiyasini topib olgan. Uzoq vaqt harakatsiz turgan mashinalarni zang va qalin chang bosgan, deb xabar beradi Motor.
Kolleksiyadan Chevrolet Impala, Plymouth Volare va konditsioner, gidrokuchaytirgichli rul va sakkiz silindrli motorga ega 1970-yilgi Pontiac GTO o‘rin olgan. Bundan tashqari, Jey garaj hududidan alohida turgan dvigatelga duch kelgan. Tashqi ko‘rinishi bilan u Chrysler’ning afsonaviy Hemi V8 agregatini yodga soladi.
Uzoq yillar e’tiborsiz turgan klassik mashinalarga jiddiy zarar yetgan — ularning barchasi qalin qum qatlami bilan qoplangan, ayrimlari zanglashni boshlagan.
Topilmadan xursand Jeyning so‘zlariga ko‘ra, Yaqin Sharqda Amerika klassik avtomobillari deyarli qolmagan. Shu sababli achinarli holda bo‘lgan bu kabi transport vositalari o‘ziga xos topilma hisoblanadi.
Avvalroq Nyu-Yorkdagi tashlandiq maktabdan noyob avtomobillar topilgani to‘g‘risida xabar berilgandi.
Izoh (0)